മുംബൈയില്‍ പുതിയ വീട് സ്വന്തമാക്കി അമിതാഭ് ബച്ചന്‍

മുംബൈ: ബോളിവുഡ് താരം അമിതാഭ് ബച്ചന്‍ മുംബൈയില്‍ ഫ്ലാറ്റ് സ്വന്തമാക്കി. പാര്‍ഥനോണ്‍ സൊസൈറ്റിയുടെ 31-ാം നിലയിലെ 12,000 ചതുരശ്ര അടി വിസ്തീര്‍ണമുള്ള ഫ്ലാറ്റാണ് അദ്ദേഹം വാങ്ങിയത്.

അദ്ദേഹവുമായി ബന്ധമുള്ള അടുത്ത വൃത്തങ്ങളാണ് ഇതുസംബന്ധിച്ച വിവരങ്ങള്‍ പുറത്തുവിട്ടത്. താമസത്തിനല്ലെന്നും നിക്ഷേപത്തിനായാണ് അദ്ദേഹം വസ്തു വാങ്ങിയതെന്നും സൂചനയുണ്ട്. ഫ്ലാറ്റിന്റെ വില സംബന്ധിച്ച വിവരങ്ങളൊന്നും പുറത്തുവന്നിട്ടില്ല.

അമിതാഭ് ബച്ചന് ഇതിനകം 6 ബംഗ്ലാവുകള്‍ മുംബൈയിലുണ്ട്. പതിനായിരം ചതുരശ്ര അടിയില്‍ പരന്നുകിടക്കുന്ന ‘ജല്‍സ’യിലാണ് അദ്ദേഹം കുടുംബത്തോടൊപ്പം താമസിക്കുന്നത്. ‘ജല്‍സ’യിലേക്ക് മാറുന്നതിന് മുമ്ബ് മാതാപിതാക്കളോടൊപ്പം താമസിച്ചിരുന്ന ‘പ്രതിക്ഷ’യാണ് രണ്ടാമത്തെ ബംഗ്ലാവ്. മൂന്നാമത്തെ ബംഗ്ലാവ് ‘ജനക്’ ആണ്. അവിടെ അദ്ദേഹത്തിന്റെ ഓഫീസ് പ്രവര്‍ത്തിക്കുന്നു. ‘വത്സ്’എന്ന് ​പേരുള്ള ഒരു ബംഗ്ലാവും അദ്ദേഹത്തിന് മുംബൈയില്‍ ഉണ്ട്. ഇതിനെല്ലാം പുറമേ, 2013ല്‍ അദ്ദേഹം ‘ജല്‍സ’യ്ക്ക് തൊട്ടുപിന്നില്‍ 60 കോടിയുടെ ബംഗ്ലാവും കഴിഞ്ഞ വര്‍ഷം അദ്ദേഹം വാങ്ങിയിരുന്നു.

ഇതുകൂടാതെ നിരവധി ഫ്ലാറ്റുകളും അ​ദ്ദേഹത്തിനുണ്ട്. കഴിഞ്ഞ വര്‍ഷം അമിതാഭ് ബച്ചന്‍ തന്റെ ഡ്യൂപ്ലെക്‌സ് അപ്പാര്‍ട്ട്‌മെന്റ് നടി കൃതി സനോണിന് വാടകയ്ക്ക് നല്‍കിയിരുന്നു. മാസം 10 ലക്ഷം രൂപയാണ് ഇതിന്റെ വാടക. 2 വര്‍ഷത്തെ കരാറിലാണ് കൃതി ഈ വീട് വാടകയ്ക്ക് എടുത്തത്. ലോഖണ്ഡ്‌വാലയിലെ അറ്റ്‌ലാന്റിസ് കെട്ടിടത്തിന്റെ 27, 28 നിലകളിലാണ് ഈ ഡ്യൂപ്ലക്‌സ് ഫ്ലാറ്റുള്ളത്.