പാലക്കാട് : പാലക്കാട്, ചേലക്കര, വയനാട് മണ്ഡലങ്ങളിലേക്ക് നടക്കുന്ന ഉപതെരഞ്ഞെടുപ്പിന്റെ നാമനിര്ദ്ദേശ പത്രികാ സമര്പ്പിക്കാനുള്ള സമയം അവസാനിച്ചു. പാലക്കാട് 16 സ്ഥാനാർത്ഥികളും ചേലക്കരയിൽ 9 സ്ഥാനാർത്ഥികളും വയനാട്ടിൽ 21 സ്ഥാനാർത്ഥികളുമാണ് നാമനിർദ്ദേശ പത്രിക സമർപ്പിച്ചിരിക്കുന്നത്. പാലക്കാട് സ്വതന്ത്ര സ്ഥാനാർത്ഥികളായി എസ് സെൽവൻ, രാഹുൽ ആർ, സിദ്ദീഖ്, രമേഷ് കുമാർ, എസ് സതീഷ്, ബി ഷമീർ, രാഹുൽ ആർ മണലടി വീട് എന്നിവരും നാമനിര്ദേശ പത്രിക സമര്പ്പിച്ചു. നാമനിര്ദ്ദേശ പത്രികകളുടെ സൂക്ഷ്മ പരിശോധന ഒക്ടോബര് 28 ന് നടക്കും. ഒക്ടോബര് 30 ന് വൈകിട്ട് മൂന്നിനകം സ്ഥാനാർത്ഥികൾക്ക് നാമനിര്ദ്ദേശ പത്രിക പിന്വലിക്കാം.
ചേലക്കരയിൽ 9 സ്ഥാനാർത്ഥികളാണ് മത്സരരംഗത്തുള്ളത്. എൽഡിഎഫ് സ്ഥാനാർത്ഥിയായി യുആർ പ്രദീപ്, യുഡിഎഫ് സ്ഥാനാർത്ഥിയായി രമ്യ പിഎം, എൻഡിഎ സ്ഥാനാർത്ഥിയായി കെ ബാലകൃഷ്ണനും പിവി അൻവറിന്റെ പിന്തുണയുള്ള സ്വതന്ത്ര സ്ഥാനാർത്ഥിയായി സുധീർ എൻകെയും മത്സര രംഗത്തുണ്ട്. സുനിത, രാജു എംഎ, ഹരിദാസൻ, പന്തളം രാജേന്ദ്രൻ, ലിന്റേഷ് കെബി എന്നിവരാണ് പത്രിക നൽകിയ മറ്റുള്ളവർ.
എ സീത (ബഹുജന് ദ്രാവിഡ പാര്ട്ടി), ഗോപാല് സ്വരൂപ് ഗാന്ധി (കിസാന് മജ്ദൂര് ബറോജ്ഗര് സംഘ് പാര്ട്ടി), ബാബു (കമ്മ്യൂണിസ്റ്റ് പാര്ട്ടി ഓഫ് ഇന്ത്യ), എസി സിനോജ് (കണ്ട്രി സിറ്റിസണ് പാര്ട്ടി), കെ സദാനന്ദന് (ബിജെപി), സ്വതന്ത്ര സ്ഥാനാര്ത്ഥികളായ ഇസ്മയില് സബിഉള്ള, സന്തോഷ് ജോസഫ്, ആര് രാജന്, അജിത്ത് കുമാര് സി, ബുക്കരാജു ശ്രീനിവാസ രാജു, എ നൂര്മുഹമ്മദ് എന്നിവരാണ് ഇന്ന് വയനാട്ടിൽ പത്രിക സമര്പ്പിച്ചത്.
പ്രിയങ്ക ഗാന്ധി(ഇന്ത്യന് നാഷണല് കോണ്ഗ്രസ്), സത്യന് മൊകേരി (കമ്മ്യൂണിസ്റ്റ് പാര്ട്ടി ഓഫ് ഇന്ത്യ), നവ്യാ ഹരിദാസ് (ഭാരതീയ ജനതാ പാര്ട്ടി), ജയേന്ദ്ര കര്ഷന്ഭായി റാത്തോഡ്(റൈറ്റ് ടു റീകാള് പാര്ട്ടി), ദുഗ്ഗിറാല നാഗേശ്വര റാവൂ (ജാതിയ ജനസേവ പാര്ട്ടി), സ്വതന്ത്ര സ്ഥാനാര്ഥികളായ രുഗ്മിണി, സോനു സിങ് യാദവ്, ഡോ കെ പത്മരാജന്, ഷെയ്ക്ക് ജലീല്, ജോമോന് ജോസഫ് സാമ്പ്രിക്കല് എപിജെ ജുമാന് വിഎസ് എന്നിവരാണ് കഴിഞ്ഞ ദിവസങ്ങളില് നാമനിര്ദ്ദേശ പത്രിക സമര്പ്പിച്ചത്.
