ഒരു സമയത്ത് തന്നെ ബാൻഡ് ക്വീൻ എന്നാണ് വിളിച്ചിരുന്നത്;സിനിമയിൽ വിലക്ക് നേരിടേണ്ടി വന്ന സമയത്ത് അമ്മ സംഘടന പോലും കൂടെ നിന്നില്ലെന്ന് നടി നവ്യ നായർ

സിനിമയിൽ തനിക്ക് വിലക്ക് നേരിടേണ്ടി വന്നിട്ടുണ്ടന്ന് തുറന്നുപറഞ്ഞ് നടി നവ്യ നായർ. എന്നാൽ സത്യമെന്തെന്ന് അറിയുന്നതുവരെ താരസംഘടനയായ അമ്മയും കൂടെ നിന്നില്ലെന്ന് മാത്രമല്ല അമ്മയും കൂടെ ചേർന്നാണ് വിലക്കേർപ്പെടുത്തിയതെന്നും നവ്യ നായർ വ്യക്തമാക്കി. വിലക്ക് ഏർപ്പെടുത്തിയ സമയത്ത് കളിയാക്കലുകൾ വളരെ കേൾക്കേണ്ടി വന്നു. അതേസമയം, എന്റെ ഭാഗത്ത് തെറ്റില്ലെന്ന് മനസിലാക്കിയതിന് ശേഷം മാത്രമാണ് ആ വിലക്ക് നീക്കിയതെന്നും നവ്യ നായർ പറയുന്നു.

പട്ടണത്തിൽ സുന്ദരൻ എന്ന സിനിമ ചെയ്യുന്ന സമയത്ത് ഞാൻ പ്രതിഫലം കൂട്ടി ചോദിച്ചു എന്ന പേരിലാണ് എനിക്കെതിരെ സിനിമയുടെ നിർമാതാവ് പരാതി നൽകിയത്. ആ സമയത്ത് തന്നെ ബാൻഡ് ക്വീൻ എന്നൊക്കെ വിളിച്ച് കളിയാക്കിയവരുണ്ടെന്നും നവ്യ നായർ പറയുന്നു. എന്നാൽ ഞാൻ അങ്ങനെ പ്രതിഫലം കൂട്ടി ചോദിച്ചിട്ടില്ല. പക്ഷേ വിലക്കൊക്കെ വന്നതിനു ശേഷമാണ് എല്ലാവരും എന്റെ ഭാഗം കേൾക്കാൻ തയ്യാറായതെന്നും നവ്യ നായർ പറയുന്നു.