CRIME

ഓസ്‌ട്രേലിയൻ വനിതാ ക്രിക്കറ്റർമാർക്ക് നേരെ ലൈംഗികാതിക്രമ ശ്രമം; പിടിയിലായ പ്രതി അഖീൽ ഖാൻ കൊടും ക്രിമിനൽ ; 10 വർഷത്തെ തടവ് ശിക്ഷയ്ക്ക് ശേഷം പുറത്തിറങ്ങിയത് ദിവസങ്ങൾക്ക് മുമ്പ്; ഏറ്റവും കഠിനമായ ശിക്ഷ ഉറപ്പാക്കുമെന്ന് മധ്യപ്രദേശ് സർക്കാർ

ഇൻഡോർ:വനിതാ ക്രിക്കറ്റ് ലോകകപ്പിന് വേദിയായ മധ്യപ്രദേശിലെ ഇൻഡോറിൽ, ഓസ്‌ട്രേലിയൻ വനിതാ ക്രിക്കറ്റ് ടീമിലെ രണ്ട് താരങ്ങൾക്കെതിരെ ലൈംഗികാതിക്രമത്തിന് ശ്രമിച്ച കേസിൽ അറസ്റ്റിലായ 29-കാരൻ സ്ഥിരം കുറ്റവാളിയും കൊടും ക്രിമിനലുമെന്ന് പോലീസ്. അപകടത്തിൽ പരിക്കേറ്റ നിലയിലാണ് പോലീസ് കസ്റ്റഡിയിലായത്. അന്താരാഷ്ട്ര കായികതാരങ്ങൾക്ക് നേരെ രാജ്യത്ത് വെച്ചുണ്ടായ അതിക്രമം വലിയ നാണക്കേടുണ്ടാക്കിയിരിക്കുകയാണ്.

വ്യാഴാഴ്ച രാവിലെ 11 മണിയോടെയാണ് സംഭവം. ലോകകപ്പ് മത്സരങ്ങൾക്കായി ഇൻഡോറിൽ എത്തിയ ഓസ്‌ട്രേലിയൻ ടീം അംഗങ്ങളായ രണ്ട് വനിതാ ക്രിക്കറ്റർമാർ താമസസ്ഥലത്തിന് അടുത്തുള്ള ഒരു കഫേയിലേക്ക് നടന്നുപോവുകയായിരുന്നു. ഇതിനിടെ അഖീൽ ഖാൻ (29) എന്ന യുവാവ് ബൈക്കിൽ ഇവരുടെ അടുത്തേക്ക് എത്തുകയും ഒരു താരത്തെ പിടിക്കാൻ ശ്രമിച്ച ശേഷം അതിവേഗം കടന്നുപോകുകയും ചെയ്തു. നിമിഷങ്ങൾക്കകം തിരിച്ചെത്തിയ ഇയാൾ രണ്ടാമത്തെ താരത്തെ കയറിപ്പിടിച്ച ശേഷം വീണ്ടും രക്ഷപ്പെടാൻ ശ്രമിച്ചു. ഭയന്നുപോയ താരങ്ങൾ ഉടൻ തന്നെ ടീമിന്റെ സുരക്ഷാ ചുമതലയുള്ള ഡാനി സിമ്മൺസിനെ വിവരം അറിയിച്ചു.

ഓസ്‌ട്രേലിയൻ ടീമിന്റെ സുരക്ഷാ മേധാവി നൽകിയ പരാതിയെത്തുടർന്ന് ഇൻഡോർ പോലീസ് കമ്മീഷണറേറ്റ് അഞ്ച് പോലീസ് സ്റ്റേഷനുകളിൽ നിന്നുള്ള ഉദ്യോഗസ്ഥരെ ഉൾപ്പെടുത്തിക്കൊണ്ട് അടിയന്തര അന്വേഷണം ആരംഭിച്ചു. കുറ്റകൃത്യം നടന്ന സ്ഥലത്തിനടുത്തുള്ള സിസിടിവി ദൃശ്യങ്ങൾ പരിശോധിച്ച് പോലീസ് പ്രതിയെ തിരിച്ചറിഞ്ഞു.

പോലീസ് വലയം മുറുകിയതോടെ ഇടുങ്ങിയ വഴികളിലൂടെ രക്ഷപ്പെടാൻ ശ്രമിക്കുന്നതിനിടെ അഖീലിന്റെ ബൈക്ക് നിയന്ത്രണം വിട്ട് അപകടത്തിൽപ്പെട്ടു. ഇടത് കൈക്കും വലത് കാലിനും ഒടിവുകളോടെ ഇയാളെ കസ്റ്റഡിയിലെടുത്തു. സ്ത്രീകളെ പിന്തുടരുക, ആക്രമിക്കുക തുടങ്ങിയ വകുപ്പുകൾ പ്രകാരം ഇയാൾക്കെതിരെ പുതിയ കേസ് രജിസ്റ്റർ ചെയ്തിട്ടുണ്ട്.

അറസ്റ്റിലായ അഖീൽ ഖാൻ ഒരു സ്ഥിരം കുറ്റവാളിയാണെന്ന് അഡീഷണൽ ഡെപ്യൂട്ടി കമ്മീഷണർ ഓഫ് പോലീസ് (ക്രൈം) രാജേഷ് ദണ്ഡോതിയ അറിയിച്ചു.അഖീലിനെതിരെ കുറഞ്ഞത് 10 ക്രിമിനൽ കേസുകളെങ്കിലും നിലവിലുണ്ട്. ലൈംഗികാതിക്രമം, കവർച്ച, ആക്രമണം, കൊലപാതക ശ്രമം എന്നിവയാണ് പ്രധാന കുറ്റങ്ങൾ. 10 വർഷത്തെ തടവ് ശിക്ഷയ്ക്ക് ശേഷം ഇയാൾ അടുത്തിടെയാണ് ഭൈരവ്ഗഡ് ജയിലിൽ നിന്ന് പുറത്തിറങ്ങിയത്. ഇന്ത്യൻ ശിക്ഷാ നിയമത്തിന് പുറമെ ആയുധ നിയമം, മയക്കുമരുന്ന് വിരുദ്ധ നിയമം (എൻഡിപിഎസ് ആക്ട്) എന്നിവ പ്രകാരവും ഇയാൾക്കെതിരെ കേസുകളുണ്ട്. ചില കേസുകൾ 2012 മുതലുള്ളതാണ്. ജാമ്യത്തിലും പരോളിലും പുറത്തായിരിക്കുമ്പോൾ ഇയാൾ പുതിയ കുറ്റകൃത്യങ്ങൾ ചെയ്തിട്ടുണ്ട്. ഒരു വർഷം മുമ്പ് ഒരു യുവദമ്പതികളെ കത്തികൊണ്ട് ആക്രമിക്കാനും യുവതിയെ ബലാത്സംഗം ചെയ്യാനും ശ്രമിച്ച കേസും ഇയാൾക്കെതിരെയുണ്ട്. കൂടാതെ, ഉജ്ജയിനിൽ വെച്ച് പോലീസുകാരിൽ നിന്ന് റൈഫിളുകൾ തട്ടിയെടുത്ത് വെടിയുതിർക്കാൻ ശ്രമിച്ച കേസും ഇയാൾക്കെതിരെ നിലവിലുണ്ട്.

മധ്യപ്രദേശ് കായിക മന്ത്രി വിശ്വാസ് സാരംഗ് ഈ സംഭവത്തെ “അങ്ങേയറ്റം ലജ്ജാകരം” എന്ന് വിശേഷിപ്പിച്ചു. പ്രതിക്ക് ഏറ്റവും കഠിനമായ ശിക്ഷ ഉറപ്പാക്കുമെന്നും, “ഭരണകൂടം ഉടൻ തന്നെ നടപടിയെടുത്തു. ഈ നടപടി മാതൃകാപരമായിരിക്കും,” എന്നും അദ്ദേഹം കൂട്ടിച്ചേർത്തു.

B4 Admin

Recent Posts

ചക്കുളത്തുകാവ് പൊങ്കാല മഹോത്സവത്തിന് വിപുലമായ സുരക്ഷാ ഒരുക്കങ്ങൾ: ഭക്തജനങ്ങൾക്ക് പൂർണ്ണ സുരക്ഷയും സൗകര്യങ്ങളും ഉറപ്പാക്കാൻ കളക്ടറേറ്റിൽ ഉന്നതതല അവലോകനയോഗം!

വിശ്വപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ പൊങ്കാല മഹോത്സവത്തിന് എത്തുന്ന ലക്ഷക്കണക്കിന് വിശ്വാസികൾക്ക് യാതൊരുവിധ ബുദ്ധിമുട്ടുകളും കൂടാതെ ദർശനവും പൊങ്കാല സമർപ്പണവും…

3 hours ago

ആഗോള രാഷ്ട്രീയ വേദികളിൽ ഭാരതത്തിന്റെ മാതൃകാപരമായ കരുത്ത് അംഗീകരിക്കപ്പെടുന്നു: ക്വാഡ് ഉച്ചകോടിയിൽ പ്രധാനമന്ത്രി നരേന്ദ്ര മോദിയെ പ്രശംസിച്ച് ഡൊണാൾഡ് ട്രംപ്!

ഫിലിപ്പീൻസിലെ മനിലയിൽ നടന്ന നിർണ്ണായകമായ ക്വാഡ് ഉച്ചകോടിക്കിടെ ഭാരതത്തിന്റെ പ്രധാനമന്ത്രി നരേന്ദ്ര മോദിയെ അതിശക്തനായ ഭരണാധികാരിയെന്ന് വിശേഷിപ്പിച്ച് ഡൊണാൾഡ് ട്രംപ്…

4 hours ago

അയ്യപ്പസന്നിധിയിൽ ഇനി തനത് കേരളീയ സദ്യ: പുലാവും ഉപ്പുമാവും മാറ്റി സമ്പൂർണ്ണ സദ്യ വിളമ്പി തിരുവിതാംകൂർ ദേവസ്വം ബോർഡ്!

മണ്ഡലകാല തീർത്ഥാടനത്തിന് ഭക്തിസാന്ദ്രമായ തുടക്കമായതോടെ, ശബരിമല സന്നിധാനത്തെ അന്നദാന മണ്ഡപത്തിൽ എത്തുന്ന അയ്യപ്പഭക്തർക്കായി തനത് കേരളീയ സദ്യ വിളമ്പുന്ന പുതിയ…

4 hours ago

ബംഗ്ലാദേശ് രാഷ്ട്രീയ സംഘർഷം ലണ്ടൻ തെരുവുകളിലേക്ക്: അവാമി ലീഗ് പ്രതിഷേധത്തെ തുടർന്ന് എൻസിപി നേതാവ് നഹിദ് ഇസ്ലാം പിൻവാതിലിലൂടെ രക്ഷപ്പെട്ടു!

ബംഗ്ലാദേശിലെ കലുഷിതമായ രാഷ്ട്രീയ അന്തരീക്ഷം രാജ്യത്തിന്റെ അതിരുകൾക്കും അപ്പുറത്തേക്ക് പടരുന്നതിന്റെ ഞെട്ടിക്കുന്ന കാഴ്ചകളാണ് ലണ്ടനിൽ നിന്ന് പുറത്തുവരുന്നത്. നാഷണൽ സിറ്റിസൺ…

7 hours ago

കളിക്കളത്തിൽ നിന്ന് ടീം മാനേജ്‌മെന്റിലേക്ക്: ചെന്നൈ സൂപ്പർ കിങ്‌സിൽ പുതിയ ദൗത്യവുമായി എം.എസ് ധോണി

ഐപിഎല്ലിലെ ചെന്നൈ സൂപ്പർ കിങ്‌സിന്റെ ചരിത്രത്തിൽ നിർണായക അധ്യായങ്ങൾ എഴുതിച്ചേർത്ത എം.എസ്. ധോണി ഇനി പുതിയ റോളിലേക്ക്. താരമെന്ന നിലയിൽ…

8 hours ago

ശബരിമല തീർത്ഥാടകരുടെ അധിക യാത്രാനിരക്ക് കുറയ്ക്കണം സൗജന്യ ബസ് സർവീസിന് സംഘടനകളെ അനുവദിക്കണം: ബിജെപി

തിരുവനന്തപുരം : ശബരിമല മണ്ഡല മകരവിളക്ക് തീർത്ഥാടനത്തോടനുബന്ധിച്ച് നിലയ്ക്കൽ–പമ്പ റൂട്ടിൽ കെ.എസ്.ആർ.ടി.സി. ഈടാക്കുന്ന അധിക യാത്രാനിരക്ക് കുറയ്ക്കണമെന്ന് ബിജെപി സംസ്ഥാന…

8 hours ago