ദില്ലി : എച്ച്3 എന്2 വൈറസ് തീവ്രമായി വ്യാപിക്കുന്ന സാഹചര്യത്തിൽ ജാഗ്രത പുലര്ത്താന് സംസ്ഥാനങ്ങളോട് നിര്ദ്ദേശിച്ച് കേന്ദ്രം.വൈറസ് വ്യാപനം തടയുന്നിന് ആവശ്യമായ ബോധവത്കരണം നടത്തണം.കൂടാതെ പൊതുസ്ഥലങ്ങളില് മാസ്ക് ധരിക്കുന്നതിന്റേയും കൈകള് ഇടയ്ക്കിടെ വൃത്തിയാക്കേണ്ടതിന്റെയും പ്രാധാന്യം ജനങ്ങളെ ബോധ്യപ്പെടുത്തണമെന്നും സംസ്ഥാനങ്ങള്ക്ക് അയച്ച കത്തില് കേന്ദ്ര ആരോഗ്യമന്ത്രാലയം വ്യക്തമാക്കി.
രോഗ വ്യാപനം രൂക്ഷമാകുന്ന പശ്ചാത്തലത്തില് ആരോഗ്യ സെക്രട്ടറിയുടെ നേതൃത്വത്തില് ചേര്ന്ന യോഗത്തിന് പിന്നാലെയാണ് സംസ്ഥാനങ്ങള്ക്കുള്ള നിര്ദ്ദേശം. രോഗവ്യാപനം സൂക്ഷ്മമായി നിരീക്ഷിക്കണമെന്നും ആശുപത്രി സൗകര്യങ്ങള് വിലയിരുത്തണമെന്നതടക്കമുള്ള നിര്ദ്ദേശങ്ങളാണ് ആരോഗ്യ സെക്രട്ടറി രാജേഷ് ഭൂഷണ് സംസ്ഥാനങ്ങള്ക്ക് നല്കിയത്.
