വെയില്സ് : പ്രതിസന്ധികളുടെ നടുവിലും പ്രധാനമന്ത്രി നരേന്ദ്ര മോദി ശാന്തനാണെന്ന് ഡിസ്കവറി ചാനലിലെ മാന് വെര്സസ്സ് വൈല്ഡ് പ്രോഗ്രാം അവതാരകന് ബെയര് ഗ്രിയില്സ്. ഉത്തരാഖണ്ഡിലെ ജിം കോര്ബറ്റ് നാഷണല് പാര്ക്കിലൂടെ യാത്ര ആരംഭിക്കുമ്പോള് പ്രതികൂല കാലാവസ്ഥയടക്കമുള്ള പ്രതിബന്ധങ്ങളെ ധൈര്യത്തോടെയാണ് പ്രധാനമന്ത്രി നേരിട്ടതെന്നു ബെയര് ഗ്രിയില്സ് എ എന് ഐക്ക് നല്കിയ പ്രത്യേക അഭിമുഖത്തില് പറഞ്ഞു.
സാധാരണ നമ്മള് രാഷ്ട്രീയക്കാരെ കാണുന്നത് ഒരു പോഡിയത്തിന് പിന്നില് സ്യൂട്ടില് മിടുക്കനായി നില്ക്കുന്നതാണ്. പക്ഷേ, കാട് എല്ലാവരോടും ഒരു പോലെയാണ് പെരുമാറുന്നത്. അവിടെ കാര്യക്ഷമതയ്ക്കും ധൈര്യത്തിനും ഐക്യത്തിനുമാണ് വില. കഠിനമായ പാതയും പേമാരിയും നമ്മുടെ ചിത്രീകരണത്തിന് ഒരു വെല്ലുവിളിയായിരുന്നു. ഞങ്ങള് വളരെ ബുദ്ധിമുട്ടിലായിരുന്നപ്പോഴും പ്രധാനമന്ത്രി വളരെ ശാന്തനായിരുന്നു. ഞങ്ങളുടെ യാത്രയിലുടനീളം ഞാന് അത് കണ്ടു. ഒരു പ്രതിസന്ധി ഉണ്ടാകുന്നതുവരെ ആരെയൊക്കെ എങ്ങനെയൊക്കെയാണെന്ന് നിങ്ങള്ക്ക് ഒരിക്കലും അറിയില്ല. ഒരു ലോകനേതാവ് എന്ന നിലയില് പ്രധാനമന്ത്രി മോദി പ്രതിസന്ധിയിലും ശാന്തനാണ്.
യാത്രയിലുടനീളം ഏറ്റവും ശ്രദ്ധേയമായത് ആഗോള നേതാവിന്റെ വിനയമാണെന്ന് ഗ്രിയില്സ് പറഞ്ഞു. തുടര്ച്ചയായ മഴയില് പോലും അദ്ദേഹത്തിന്റെ മുഖത്ത് ഒരു വലിയ പുഞ്ചിരി ഉണ്ടായിരുന്നു. 520 ചതുരശ്ര കിലോമീറ്റര് വിസ്തൃതിയുള്ള ദേശീയ ഉദ്യാനം ഇന്ത്യയിലെ ചുരുക്കം കടുവ സങ്കേതങ്ങളില് ഒന്നാണ്. അപൂര്വയിനം ഒട്ടേഴ്സ്, മുതലകള് എന്നിവയെയും ഇവിടെ കാണാം. അദ്ദേഹത്തിന്റെ വിനയമാണ് എന്നെ അതിശയിപ്പിച്ചത്. തുടച്ചയായുള്ള മഴയെ തുടര്ന്ന് ക്രൂ അംഗങ്ങള് കുടകളും മറ്റും എടുത്തെങ്കിലും അദ്ദേഹം അതെല്ലാം പുഞ്ചിരിയോടെ നിരസിച്ചു. തുടര്ന്ന് ഞങ്ങള് ഒരു നദിയിലെത്തി. അതുകടക്കാനായി ഞാനുണ്ടാക്കിയ ചങ്ങാടത്തില് വിശ്വാസ്യത പോരാത്തതിനാല് പ്രധാനമന്ത്രിയെ കയറാന് സുരക്ഷാ ഉദ്യോഗസ്ഥര് അനുവദിച്ചില്ല. എന്നാല് ഞങ്ങള് ഇത് ഒന്നിച്ച് ചെയ്യും എന്ന് ആത്മവിശ്വാസം നല്കി. പകുതി വഴിയെ മഴയില് ചങ്ങാടം മുങ്ങി അദ്ദേഹം നനഞ്ഞു കുതിര്ന്നിട്ടും മുഖത്ത് ഒരു വലിയ പുഞ്ചിരി ഉണ്ടായിരുന്നുവെന്ന് ഗ്രിയില്സ് പറഞ്ഞു. പ്രതിബന്ധങ്ങള് നമുക്ക് വ്യക്തികളെ മനസ്സിലാക്കി തരുന്നു.
ഈ എപ്പിസോഡില് തികച്ചും വ്യത്യസ്തനായ പ്രധാനമന്ത്രിയെ കാണാന് സാധിക്കും. കഴിഞ്ഞ മാസം, പ്രത്യേക എപ്പിസോഡിന്റെ 45 സെക്കന്ഡ് പ്രൊമോ ട്വിറ്ററില് ഗ്രിയില്സ് പങ്കുവെച്ചിരുന്നു. ഓഗസ്ത് 12 തിങ്കളാഴ്ച രാത്രി 9 മണിക്ക് പ്രധാനമന്ത്രി നരേന്ദ്ര മോദിയുമായുള്ള മാന് വെസസ്സ് വൈല്ഡ് എപ്പിസോഡ് ഡിസ്കവറി ചാനല് സംപ്രേക്ഷണം ചെയ്യും.
തിരുവനന്തപുരം : എന്ഫോഴ്സ്മെന്റ് ഡയറക്ടറേറ്റിന്റെ (ED) കത്തുമായി ബന്ധപ്പെട്ട പ്രാഥമിക അന്വേഷണ വിഷയത്തില് മുന് മുഖ്യമന്ത്രി പിണറായി വിജയന്മേല് ഉടന്…
കൊച്ചി : കേരള ട്രാവല് മാര്ട്ട് ഉദ്ഘാടന വേദിയില് വന് പ്രഖ്യാപനങ്ങളുമായി മുഖ്യമന്ത്രി വി.ഡി. സതീശന്. തിരുവനന്തപുരം മൃഗശാലയുടെ സ്ഥലത്ത്…
തിരുവനന്തപുരം : വഴിത്തര്ക്കത്തെ തുടര്ന്നുണ്ടായ സംഘര്ഷത്തില് സഹോദരനെ കൊലപ്പെടുത്തിയ കേസില് സഹോദരിക്കും മക്കള്ക്കും ജീവപര്യന്തം കഠിനതടവും പിഴയും ശിക്ഷ വിധിച്ചു.…
ന്യൂഡല്ഹി : ഏഷ്യന് ഗെയിംസ് ഷൂട്ടിങ് സ്കീറ്റ് മിക്സഡ് ടീം ഇനത്തില് വെങ്കല മെഡല് സ്വന്തമാക്കിയ പരിനാസ് ധാലിവാള്, അനന്ത്ജീത്…
മലപ്പുറത്തെ മഴക്കെടുതിയും പ്രളയവും വിലയിരുത്താന് മുഖ്യമന്ത്രി നടത്തിയ യാത്രയ്ക്കായി ഉപയോഗിച്ച ചാര്ട്ടേഡ് വിമാനത്തിന് ജി.എസ്.ടി ഉള്പ്പെടെ 19.88 ലക്ഷം രൂപ…
നേപ്പാളിലും ടിബറ്റിലും അടുത്തിടെ ഉണ്ടായ കനത്ത പ്രളയവും ഉരുള്പൊട്ടലുകളും വലിയൊരു പാരിസ്ഥിതിക ദുരന്തത്തിലേക്കാണ് വിരല് ചൂണ്ടുന്നത്. നൂറുകണക്കിന് ജീവനുകള് നഷ്ടപ്പെടുകയും…