കള്ളപ്രചാരണം നടത്തുന്നതിന് മുമ്പ് ആദ്യം സ്വന്തം കാര്യം നോക്കൂ’; കറാച്ചി ഭീകരാക്രമണത്തിൽ പാകിസ്ഥാന്റെ ആരോപണങ്ങൾ തള്ളി ഇന്ത്യ

ദില്ലി : കറാച്ചിയിലുണ്ടായ ഭീകരാക്രമണത്തിന് പിന്നിൽ ഇന്ത്യയാണെന്ന പാകിസ്ഥാന്റെ ആരോപണങ്ങൾ നിഷേധിച്ച് കേന്ദ്ര സർക്കാർ. യാതൊരു അടിസ്ഥാനവുമില്ലാത്ത കള്ളപ്രചാരണമാണ് പാകിസ്ഥാൻ നടത്തുന്നതെന്നും മറ്റുള്ളവർക്ക് നേരെ വിരൽ ചൂണ്ടുന്നതിന് മുൻപ് പാകിസ്ഥാൻ സ്വന്തം രാജ്യത്തെ കാര്യങ്ങളിലേക്ക് കണ്ണോടിക്കുന്നതാണ് നല്ലതെന്നും വിദേശകാര്യ മന്ത്രാലയം വ്യക്തമാക്കി. സ്വന്തം മണ്ണിൽ വളരുന്ന ഭീകരവാദ ശൃംഖലകൾക്കെതിരെ വിശ്വസനീയമായ നടപടികൾ സ്വീകരിക്കാൻ ഇസ്ലാമാബാദ് തയ്യാറാകണമെന്ന് വിദേശകാര്യ മന്ത്രാലയ വക്താവ് രൺധീർ ജയ്‌സ്വാൾ ആവശ്യപ്പെട്ടു. ഭീകരവാദത്തെ ഭരണകൂട നയത്തിന്റെ ആയുധമാക്കുന്ന ശീലം പാകിസ്ഥാൻ അവസാനിപ്പിക്കണമെന്നും ഇന്ത്യ ഓർമ്മിപ്പിച്ചു.

കറാച്ചിയിലെ പാകിസ്ഥാൻ റേഞ്ചേഴ്സ് ആസ്ഥാനത്തിന് നേരെയുണ്ടായ ഭീകരാക്രമണത്തിന് പിന്നിൽ ഇന്ത്യയുടെ പിന്തുണയുണ്ടെന്ന പാക് വാർത്താവിനിമയ മന്ത്രി മൊഹ്സിൻ നഖ്‌വിയുടെ പ്രസ്താവനയോട് പ്രതികരിക്കുകയായിരുന്നു വിദേശകാര്യ മന്ത്രാലയം. ശനിയാഴ്ച കറാച്ചിയിലെ ഗുലിസ്താൻ-ഇ-ജൗഹറിലുണ്ടായ ആക്രമണത്തിൽ മൂന്ന് പാക് സുരക്ഷാ ഉദ്യോഗസ്ഥർ കൊല്ലപ്പെടുകയും നാല് പേർക്ക് പരിക്കേൽക്കുകയും ചെയ്തിരുന്നു. സംഭവത്തിൽ ആറ് ഭീകരരെ വധിച്ചതായും ഒരാളെ പിടികൂടിയതായും പാക് സൈന്യം അറിയിച്ചിരുന്നു. എന്നാൽ, തങ്ങളുടെ ആഭ്യന്തര സുരക്ഷാ പരാജയങ്ങൾ മറച്ചുവെക്കാൻ ഇന്ത്യക്കെതിരെ അടിസ്ഥാനരഹിതമായ ആരോപണങ്ങൾ ഉന്നയിക്കുന്നത് പാകിസ്ഥാന്റെ പതിവ് ശൈലിയാണെന്ന് ഇന്ത്യ വ്യക്തമാക്കി. ഭീകരവാദത്തിന്റെ പ്രഭവകേന്ദ്രമായി പാകിസ്ഥാൻ മാറുമ്പോഴും അയൽരാജ്യങ്ങളെ കുറ്റപ്പെടുത്തി രക്ഷപ്പെടാനാണ്