ഡിജിറ്റൽ യുഗത്തിലെ പൊതുസംവാദങ്ങളും സ്വാധീനങ്ങളും! നേതി നേതി ലെറ്റ്സ് ടോക്ക്’ പരമ്പരയിലെ ഏറ്റവും പുതിയ സംവാദം നാളെ തിരുവനന്തപുരത്ത് ;തത്സമയക്കാഴ്ചയുമായി തത്ത്വമയി

തിരുവനന്തപുരം: വിവരങ്ങൾ വസ്തുതകളേക്കാൾ വേഗത്തിൽ സഞ്ചരിക്കുകയും നരേഷനുകൾ അഭിപ്രായ രൂപീകരണത്തെ സ്വാധീനിക്കുകയും ചെയ്യുന്ന ഡിജിറ്റൽ യുഗത്തിൽ, പുതിയ പൊതുയിടങ്ങളെക്കുറിച്ച് സംവദിക്കാൻ പ്രമുഖർ ഒത്തുചേരുന്നു. ‘നേതി നേതി ലെറ്റ്സ് ടോക്ക് പരമ്പരയുടെ ഭാഗമായി സംഘടിപ്പിക്കുന്ന ‘ദി ന്യൂ പബ്ലിക് സ്ക്വയർ: ഇൻഫ്ലുവൻസ്, നറേറ്റീവ്സ് ആൻഡ് ഡിജിറ്റൽ സൊസൈറ്റി’ (The New Public Square: Influence, Narratives and Digital Society) എന്ന വിഷയത്തിലുള്ള ചർച്ച നാളെ തിരുവനന്തപുരത്ത് നടക്കും.

തിങ്കളാഴ്ച വൈകുന്നേരം 5.00 മണിക്ക് തിരുവനന്തപുരം ജവഹർ നഗറിലുള്ള ടി.സി.സി.ഐ ചേമ്പർ ഹാളിലാണ് സംവാദം നടക്കുന്നത് . നമ്മുടെ കൈകളിലേക്ക് ഒതുങ്ങിയ ഡിജിറ്റൽ ലോകം എങ്ങനെയാണ് ഇന്നത്തെ സമൂഹത്തിന്റെ ചിന്തകളെയും അഭിപ്രായങ്ങളെയും രൂപപ്പെടുത്തുന്നത് എന്നതിലേക്ക് വെളിച്ചം വീശുന്നതാണ് ഈ പരിപാടി.

കേരള ഹൈക്കോടതി അഭിഭാഷകനും പ്രമുഖ സാമൂഹിക-രാഷ്ട്രീയ നിരീക്ഷകനുമായ അഡ്വ. എ. ജയശങ്കറും, പബ്ലിക് അഫയേഴ്സ് രംഗത്തെ പ്രമുഖ ഡിജിറ്റൽ ശബ്ദവും സംരംഭകനുമായ ലക്ഷ്മിനാരായണനും തമ്മിലാണ് പ്രധാന സംവാദം നടക്കുന്നത്. ആധുനിക ഡിജിറ്റൽ സമൂഹത്തിലെ സ്വാധീനങ്ങൾ, ഉത്തരവാദിത്തങ്ങൾ, പൊതുസംവാദങ്ങളുടെ ഭാവി എന്നിവയെക്കുറിച്ച് ഇരുവരും തങ്ങളുടെ കാഴ്ചപ്പാടുകൾ പങ്കുവെക്കും. പൊതുനയ നിരീക്ഷകനായ അഡ്വ. എസ്. സുരേഷ് കുമാറാണ് ഈ സംവാദത്തിന്റെ മോഡറേറ്ററായി പ്രവർത്തിക്കുന്നത്. ഇന്നത്തെ കാലഘട്ടത്തിൽ ഡിജിറ്റൽ മാധ്യമങ്ങളും ഇൻഫ്ലുവൻസർമാരും എങ്ങനെയാണ് നരേഷനുകൾ നിർമ്മിക്കുന്നത് എന്ന് മനസ്സിലാക്കാൻ ആഗ്രഹിക്കുന്നവർക്ക് ഈ ചർച്ച വലിയൊരു അവസരമായിരിക്കും.

സംവാദത്തിന്റെ ആദ്യാവസാന നിമിഷങ്ങൾ തത്ത്വമയി നെറ്റ്‌വർക്കിലൂടെ ലോകമെമ്പാടുമുള്ള പ്രേക്ഷകർക്ക് വീക്ഷിക്കാൻ സാധിക്കുന്നതാണ്