ദില്ലി : പശ്ചിമ ബംഗാളില്‍ അധ്യാപകനായ ആര്‍എസ്എസ് പ്രവര്‍ത്തകനെയും എട്ടുമാസം ഗര്‍ഭിണിയായ ഭാര്യയേയും, ആറ് വയസുകരനെയും കൊലപ്പെടുത്തിയ സംഭവത്തില്‍ മതേതരവാദികളുടെ മൗനത്തെ ചോദ്യം ചെയ്ത് ബിജെപി.സംസ്ഥാനത്തെ ക്രമസമാധാന നില തകര്‍ന്നിട്ടും കപ
ട ലിബറലുകള്‍ പുലര്‍ത്തുന്ന നിശബ്ദത ലജ്ജാകരമാണെന്ന് ബിജെപി നേതാക്കള്‍ പറഞ്ഞു.
ആര്‍എസ്എസ് പ്രവര്‍ത്തകനെയും അയാളുടെ ഗര്‍ഭിണിയായ ഭാര്യയെയും കുട്ടിയെയും കൊന്ന കേസില്‍ പോലീസ് നിഷ്‌ക്രിയത്വം തുടരുകയാണെന്നും ബിജെപി ആരോപിച്ചു. ഈ ക്രൂരകൃത്യത്തെ നിശിതമായി അപലപിക്കുക. ദു:ഖിതരായ കുടുംബത്തോട് സഹാനുഭൂതി പ്രകടിപ്പിക്കാന്‍ ലിബറലുകള്‍ക്ക് കഴിയുമെന്നാണ് പ്രതീക്ഷിക്കുന്നതെന്നും നിയമമന്ത്രി രവിശങ്കര്‍ പ്രസാദ് പറഞ്ഞു.
”കഴിഞ്ഞ 4 ദിവസത്തിനിടെ പശ്ചിമ ബംഗാളില്‍ എട്ട് രാഷ്ട്രീയ കൊലപാതകങ്ങള്‍ നടന്നു. സംസ്ഥാനം എത്രത്തോളം ഇത് സഹിക്കണം? മാറ്റത്തിനുള്ള സമയം അതിവേഗം അടുക്കുകയാണെന്ന്” ബിജെപി നേതാവും രാജ്യസഭാ എംപിയുമായ സ്വപന്‍ ദാസ് ഗുപ്ത പറഞ്ഞു. മുര്‍ഷിദാബാദ് കൂട്ടക്കൊല സംസ്ഥാനത്തെ ക്രമസമാധാനപാലനത്തിന്റെ പൂര്‍ണമായ തകര്‍ച്ചയാണ് കാണിക്കുന്നതെന്ന് ആര്‍എസ്എസ് മുഖവാരികയായ ഓര്‍ഗനൈസര്‍ പറഞ്ഞു. കുറ്റകൃത്യത്തില്‍ ജിഹാദി ഘടകങ്ങള്‍ ഉണ്ടെന്ന ആരോപണവും ഓര്‍ഗനൈസര്‍ മുന്നോട്ട് വച്ചു.
കഴിഞ്ഞ ബുധനാഴ്ച ബംഗാളില്‍ രണ്ട് രണ്ട് ബിജെപി പ്രവര്‍ത്തകരെയും കൊലപ്പെടുത്തിയിരുന്നു ബിര്‍ഭുമിലെ അനിമേഷ് ചക്രബര്‍ത്തിയും നാദിയയിലെ അഹമ്മദ് ഷെയ്ക്കും അടുത്തിടെ ബിജെപിയില്‍ അംഗത്വമെടുത്തവരാണ് ഇരുവരും. പാര്‍ട്ടില്‍ സജീവപ്രവര്‍ത്തനമാരംഭിച്ചതിന് പിറകെയാണ് കൊലപാതകങ്ങള്‍ അരങ്ങേറിയത്.
ആള്‍ക്കൂട്ടകൊലപാതകത്തിന്റെ പേരില്‍ കത്തെഴുതുന്നവര്‍ ഇത്തരം ക്രൂരമായ കൊലപാതകങ്ങള്‍ക്ക് നേരെ മൗനം അവലംബിക്കുകയാണ്, ടിഎംസി പ്രവര്‍ത്തകര്‍ ഉള്‍പ്പെട്ട കൊലപാതകങ്ങളില്‍ ജിഹാദി ഘടകങ്ങളും ഉണ്ടെന്നും ഓര്‍ഗനൈസര്‍ കുറ്റപ്പെടുത്തി.
മെയ് 19 മുതല്‍ ജൂണ്‍ 21 വരെ പശ്ചിമ ബംഗാളില്‍ 150 ലധികം രാഷ്ട്രീയ അതിക്രമങ്ങള്‍ നടന്നുവെന്ന നാഷണല്‍ യൂണിയന്‍ ഓഫ് ജേണലിസ്റ്റിന്‍റെ റിപ്പോര്‍ട്ടും ആര്‍.എസ്.എസ് പത്രമായ പാഞ്ചജന്യം ഉദ്ധരിച്ചു. മമത ബാനര്‍ജി ഭരണത്തിന്‍ കീഴില്‍ 81 പാര്‍ട്ടി പ്രവര്‍ത്തകര്‍ കൊല്ലപ്പെട്ടുവെന്നാണ് കണക്കുകള്‍. പശ്ചിമബംഗാളില്‍ പട്ടാപ്പകല്‍ പോലും ആളുകള്‍ കൊല്ലപ്പെടുകയാണെന്ന് ബിജെപി ദേശീയ ജനറല്‍ സെക്രട്ടറി കൈലാഷ് വിജയവര്‍ഗിയ പറഞ്ഞു. വിഷയത്തില്‍ രാഷ്ട്രപതി രാംനാഥ് കോവിന്ദും , കേന്ദ്ര ആഭ്യന്തരമന്ത്രി അമിത് ഷായും റിപ്പോര്‍ട്ട് തേടിയിട്ടുണ്ട്..
രാജ്യത്തെ വിവിധ സംസ്ഥാനങ്ങളിൽ നടന്ന സുപ്രധാന ഉപതിരഞ്ഞെടുപ്പുകളിൽ ബിജെപിക്കും എൻഡിഎ സഖ്യത്തിനും വൻ മുന്നേറ്റം. പശ്ചിമ ബംഗാളിലെ നന്ദിഗ്രാം, റെജിനഗർ,…
ദില്ലി : ഒക്ടോബര്‍ 10ന് ജന്തര്‍ മന്തറില്‍ നടത്താന്‍ ആഹ്വാനം ചെയ്ത സിജെപിയുടെ പ്രതിഷേധത്തിന് അനുമതി നല്‍കാനാകില്ലെന്ന് ദില്ലി പൊലീസ്…
തിരഞ്ഞെടുപ്പ് കമ്മീഷന്‍ ഉള്‍പ്പെടെയുള്ള ഭരണഘടനാ സ്ഥാപനങ്ങളെ ദുര്‍ബലപ്പെടുത്താനുള്ള ശ്രമങ്ങള്‍ക്കെതിരെ മുന്നറിയിപ്പുമായി 42 മുന്‍ ജഡ്ജിമാര്‍ തുറന്ന കത്ത് പുറത്തിറക്കി. ഇത്തരം…
യമനിലെ ഹൂത്തി വിമതര്‍ സൗദി അറേബ്യയിലെ വിമാനത്താവളങ്ങള്‍ക്ക് നേരെ നടത്തുന്ന ആക്രമണങ്ങളുടെ പശ്ചാത്തലത്തില്‍, സൗദിയിലുള്ള ഇന്ത്യന്‍ പൗരന്മാര്‍ ജാഗ്രത പാലിക്കണമെന്നും…
ഉത്തര്‍പ്രദേശിലെ സോണ്‍ഭദ്ര ജില്ലയില്‍ നിയന്ത്രണം വിട്ട ഇന്ധന ടാങ്കര്‍ മറിഞ്ഞ് ഏകദേശം 14,000 ലിറ്റര്‍ ഡീസല്‍ റോഡില്‍ ഒഴുകിപ്പരന്നതിനെ തുടര്‍ന്ന്…
തന്റെ ചൂതാട്ട ഭ്രമം തീര്‍ക്കാനായി ലാസ് വേഗാസില്‍ വെച്ച് 14 പുരുഷന്മാരെ വിവാഹം കഴിച്ച യുഎസ് വനിതയ്ക്ക് തടവുശിക്ഷയും 280,000…