പ്രധാനമന്ത്രിയുടെ പ്രവർത്തനങ്ങൾ കണ്ടാണ് ഞാൻ ബിജെപിയിൽ ചേർന്നത്; ബെംഗളൂരു മുൻ പോലീസ് കമ്മീഷണറും എഎപി നേതാവുമായ ഭാസ്‌കർ റാവു ബുധനാഴ്ച ബിജെപിയിൽ ചേർന്നു

ബെംഗളൂരു മുൻ പോലീസ് കമ്മീഷണറും എഎപി നേതാവുമായ ഭാസ്‌കർ റാവു ബുധനാഴ്ച ബിജെപിയിൽ ചേർന്നു.പ്രധാനമന്ത്രിയുടെ പ്രവർത്തനങ്ങൾ കണ്ടാണ് ഞാൻ ബിജെപിയിൽ ചേർന്നത്. പാർട്ടിയിൽ (എഎപി) സുതാര്യതയില്ല.ഒരു ബഹുരാഷ്ട്ര കോർപ്പറേഷൻ പോലെയാണ് ഇത് നടത്തുന്നത്. അഴിമതിക്കെതിരെ പോരാടാനെന്ന പേരിലാണ് സംഭാവനകൾ ശേഖരിക്കുന്നത്,ബി ജെ പിയിൽ ചേർന്നതിന് ശേഷം ഭാസ്‌കർ റാവു പറഞ്ഞു.

കഴിഞ്ഞ വർഷം ഏപ്രിലിൽ ഐപിഎസിൽ നിന്ന് രാജിവച്ച് എഎപിയിൽ ചേർന്ന റാവുവിനെ അടുത്തിടെയാണ് എഎപിയുടെ പ്രകടനപത്രിക കമ്മിറ്റി ചെയർപേഴ്സണായി നിയമിച്ചത്. അരവിന്ദ് കെജ്‌രിവാളിന്റെ നേതൃത്വത്തിലുള്ള പാർട്ടി ഒരു ശക്തിയായി മാറാൻ ആഗ്രഹിക്കുന്ന കർണാടകയിലെ എഎപിയുടെ പ്രമുഖ മുഖങ്ങളിൽ ഒരാളാണ് അദ്ദേഹം.ചൊവ്വാഴ്ച, റാവു ബി ജെ പി തമിഴ്‌നാട് പ്രസിഡന്റ് കെ അണ്ണാമലൈയുമായി ചർച്ച നടത്തിയിരുന്നു.റവന്യൂ മന്ത്രി ആർ അശോകനുമായി റാവു കൂടിക്കാഴ്ച നടത്തി. അശോകൻ ഗതാഗത മന്ത്രിയായിരിക്കെ 2008 നും 2011 നും ഇടയിൽ ഗതാഗത, റോഡ് സുരക്ഷ കമ്മീഷണറായിരുന്നു റാവു. കേന്ദ്രമന്ത്രി പ്രഹ്ലാദ് ജോഷിയുമായും റാവു ചർച്ച നടത്തിയിരുന്നു.