ബിഹാർ വ്യാജമദ്യദുരന്തം : മരണസംഖ്യ 70 ആയി ഉയർന്നു, നിരവധി പേർ ഗുരുതരാവസ്ഥായിൽ ; നഷ്ടപരിഹാരത്തിൽ വിട്ടുവീഴ്ചക്കില്ലാതെ മുഖ്യമന്ത്രി

ബിഹാർ : ബിഹാറിലെ വ്യാജമദ്യ ദുരന്തത്തിൽ മരിച്ചവരുടെ എണ്ണം 70 ആയി ഉയർന്നു . ദുരന്തത്തിൽ . ചികിത്സയിൽ കഴിയുന്നവരുടെ നില ഇപ്പോഴും ഗുരുതരമായിതന്നെ തുടരുന്നു .ബിഹാർ മുഖ്യമന്ത്രി നിതീഷ് കുമാറിനെതിരെ കേസ് എടുക്കണമെന്നാവശ്യപ്പെട്ട് എൽജെപി അധ്യക്ഷൻ ചിരാഗ് പാസ്വാൻ. ബിഹാറിൽ നടന്നത് ഭരണകൂട കൊലപാതകമാണെന്നാണ് ചിരാഗ് പാസ്വാൻ ആരോപിച്ചത്. ബിഹാറിലെ വ്യാജമദ്യ ദുരന്തത്തിൽ ഭരണ – പ്രതിപക്ഷ പാർട്ടികളുടെ തർക്കം തുടരുന്ന സാഹചര്യത്തിൽ മരിച്ചവരുടെ കുടുംബങ്ങൾക്ക് നഷ്ടപരിഹാരം നൽകില്ലെന്ന ഉറച്ച നിലപാടിൽ തന്നെയാണ് മുഖ്യമന്ത്രി നിതീഷ് കുമാർ. മുഖ്യമന്ത്രിക്കെതിരെ കേസ് എടുക്കണമെന്ന ആവശ്യവുമായി പ്രതിപക്ഷ പാർട്ടികൾ മുന്നോട്ട് വന്നിട്ടുണ്ട്

മദ്യപിച്ചാൽ മരിക്കുമെന്നും നഷ്ടപരിഹാരം നൽകാനാകില്ലെന്നുമാണ് നിതീഷ് കുമാർ നിയമസഭയിൽ വ്യക്തമാക്കിയത് . മദ്യപിക്കുന്നവർ മരിക്കുമെന്ന മുഖ്യമന്ത്രിയുടെ പ്രസ്താവനയിൽ ഇന്നലെയും നിയമസഭാ സമ്മേളനം പ്രക്ഷുബ്ധമായിരുന്നു. മരിച്ചവരുടെ കുടുംബങ്ങൾക്ക് നഷ്ടപരിഹാരം നൽകാൻ കഴിയില്ലെന്ന് വീണ്ടും നിതീഷ് കുമാർ ആവർത്തിച്ചു പറഞ്ഞു.