ഹൃദയ ശസ്ത്രക്രിയയ്ക്കായി വന്ദേ ഭാരത് ട്രെയിനിൽ എത്തിയ ആവണി അച്ഛനൊപ്പം എറണാകുളം സൗത്ത് സ്റ്റേഷനിൽ, ബിൽജിത്ത്
കൊച്ചി : വാഹനാപകടത്തിൽ മസ്തിഷ്ക മരണം സംഭവിച്ച അങ്കമാലി സ്വദേശി ബിൽജിത്തിന്റെ ഹൃദയം ഇനി കൊല്ലം അഞ്ചൽ സ്വദേശിയായ 13 വയസ്സുകാരി ആവണിയിൽ മിടിക്കും. എറണാകുളം ലിസി ആശുപത്രിയിൽ നടന്ന ഹൃദയം മാറ്റിവയ്ക്കൽ ശസ്ത്രക്രിയ ഇന്ന് പുലർച്ചെയോടെ പൂർത്തിയായി. അവയവദാനത്തിലൂടെ ആറ് പേർക്ക് കൂടിയാണ് ബിൽജിത്ത് പുതുജീവിതം നൽകിയത്. മരണം കൊണ്ട് പോലും ബിൽജിത്ത് മനുഷ്യത്വത്തിന്റെ ഉത്തമ ഉദാഹരണമായി മാറിയെന്ന് ഡോക്ടർമാർ പറഞ്ഞു.
ഹൃദയം ചുരുങ്ങുന്ന ‘കാർഡിയാക് മയോപ്പതി’ എന്ന അപൂർവ്വ രോഗം സ്ഥിരീകരിച്ചതോടെയാണ് ആവണിയുടെ ജീവിതം പ്രതിസന്ധിയിലായത്. മത്സ്യത്തൊഴിലാളിയായ അച്ഛന്റെ തുച്ഛമായ വരുമാനത്തിൽ ചികിത്സ മുന്നോട്ട് കൊണ്ടുപോകാൻ ബുദ്ധിമുട്ടായിരുന്നു. തിരുവനന്തപുര ശ്രീചിത്ര ആശുപത്രിയില് ചികിത്സയിലായിരുന്നു പെണ്കുട്ടി. ഹൃദയം നിലച്ചുപോകാനുള്ള സാഹചര്യമുണ്ടെന്നും അടിയന്തരശസ്ത്രക്രിയയ്ക്ക് വിധേയയാക്കണമെന്നും ഡോക്ടര്മാർ നിര്ദേശിക്കുകയും ചെയ്തു, നാട്ടുകാരുടെയും സുമനസ്സുകളുടെയും സഹായത്തിൽ ചികിത്സ തുടരുന്നതിനിടെയാണ് ഇന്നലെ ഉച്ചയോടെ ആവണിയുടെ വീട്ടിലേക്ക് നിർണ്ണായകമായ ആ ഫോൺ കോൾ എത്തുന്നത്. കുട്ടിയുടെ ബ്ലഡ് ഗ്രൂപ്പുമായി യോജിക്കുന്ന ഹൃദയം ലഭിച്ചിട്ടുണ്ടെന്നും ഉടൻ തന്നെ കൊച്ചിയിലെ ലിസി ആശുപത്രിയിലെത്തണമെന്നും അറിയിച്ചുകൊണ്ടായിരുന്നു ആ കോൾ.
ബിൽജിത്തിന്റെ ഹൃദയം ആവണിക്ക് നൽകാൻ കുടുംബാംഗങ്ങൾ സമ്മതം അറിയിച്ചിരുന്നു.തുടർന്ന് പരിശോധനകൾ ആരംഭിക്കുകയും, ആവണിക്ക് ഹൃദയം സ്വീകരിക്കാൻ ശരീരം പൂർണ്ണമായും സജ്ജമാണെന്ന് ഡോക്ടർമാർ ഉറപ്പുവരുത്തുകയും ചെയ്തു. കുട്ടിയെ എയര് ആംബുലന്സില് എത്തിക്കാനുള്ള ശ്രമം കൊല്ലം എംപിയുടെ ഭാഗത്തുനിന്നുണ്ടായി. എന്നാല് എയര് ആംബുലന്സ് ലഭ്യമാകാത്തതിനെ തുടര്ന്ന് എംപി ക്വാട്ടയില് വന്ദേഭാരത് എക്സ്പ്രസിലാണ് കുട്ടിയെ കൊച്ചിയിലെത്തിച്ചത്.
രാത്രി 12.45-ഓടെ ബിൽജിത്തിന്റെ ഹൃദയം പ്രത്യേക വാഹനത്തിൽ ആശുപത്രിയിലെത്തിച്ചു. ഡോ. ജോസ് ചാക്കോ പെരിയപ്പുറത്തിന്റെ നേതൃത്വത്തിൽ പുലർച്ചെ 1.25-ന് ആരംഭിച്ച ശസ്ത്രക്രിയ 3.30-ഓടെ വിജയകരമായി പൂർത്തിയാക്കി. അടുത്ത 48 മണിക്കൂർ നിർണ്ണായകമാണെന്ന് ഡോക്ടർമാർ അറിയിച്ചു.
വിശ്വപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ പൊങ്കാല മഹോത്സവത്തിന് എത്തുന്ന ലക്ഷക്കണക്കിന് വിശ്വാസികൾക്ക് യാതൊരുവിധ ബുദ്ധിമുട്ടുകളും കൂടാതെ ദർശനവും പൊങ്കാല സമർപ്പണവും…
ഫിലിപ്പീൻസിലെ മനിലയിൽ നടന്ന നിർണ്ണായകമായ ക്വാഡ് ഉച്ചകോടിക്കിടെ ഭാരതത്തിന്റെ പ്രധാനമന്ത്രി നരേന്ദ്ര മോദിയെ അതിശക്തനായ ഭരണാധികാരിയെന്ന് വിശേഷിപ്പിച്ച് ഡൊണാൾഡ് ട്രംപ്…
മണ്ഡലകാല തീർത്ഥാടനത്തിന് ഭക്തിസാന്ദ്രമായ തുടക്കമായതോടെ, ശബരിമല സന്നിധാനത്തെ അന്നദാന മണ്ഡപത്തിൽ എത്തുന്ന അയ്യപ്പഭക്തർക്കായി തനത് കേരളീയ സദ്യ വിളമ്പുന്ന പുതിയ…
ബംഗ്ലാദേശിലെ കലുഷിതമായ രാഷ്ട്രീയ അന്തരീക്ഷം രാജ്യത്തിന്റെ അതിരുകൾക്കും അപ്പുറത്തേക്ക് പടരുന്നതിന്റെ ഞെട്ടിക്കുന്ന കാഴ്ചകളാണ് ലണ്ടനിൽ നിന്ന് പുറത്തുവരുന്നത്. നാഷണൽ സിറ്റിസൺ…
ഐപിഎല്ലിലെ ചെന്നൈ സൂപ്പർ കിങ്സിന്റെ ചരിത്രത്തിൽ നിർണായക അധ്യായങ്ങൾ എഴുതിച്ചേർത്ത എം.എസ്. ധോണി ഇനി പുതിയ റോളിലേക്ക്. താരമെന്ന നിലയിൽ…
തിരുവനന്തപുരം : ശബരിമല മണ്ഡല മകരവിളക്ക് തീർത്ഥാടനത്തോടനുബന്ധിച്ച് നിലയ്ക്കൽ–പമ്പ റൂട്ടിൽ കെ.എസ്.ആർ.ടി.സി. ഈടാക്കുന്ന അധിക യാത്രാനിരക്ക് കുറയ്ക്കണമെന്ന് ബിജെപി സംസ്ഥാന…