“വീണ്ടും വരും മോദി ഭരണം”: എക്സിറ്റ് പോളുകൾ

ദില്ലി: വീണ്ടും വരും മോദി ഭരണമെന്ന് പ്രവചിച്ച് ഇന്ത്യയിലെ എക്സിറ്റ് പോളുകൾ. ബിജെപിയുടെ നേതൃത്വത്തിൽ എൻഡിഎ തന്നെ അധികാരത്തിൽ വരും എന്നാണ് ഇന്ന് പുറത്തുവന്ന എല്ലാ എക്സിറ്റ് പോളുകളും പ്രവചിക്കുന്നത്. എൻഡിഎ ഇതര മുന്നണികൾക്ക് അനുകൂലമായി ഒരു ഏജൻസിപോലും പ്രവചനം നടത്തിയിട്ടില്ല എന്നതാണ് ഏറ്റവും ശ്രദ്ധേയം.

280 മുതൽ 310 സീറ്റ് വരെ നേടി ബിജെപി തന്നെ അധികാരത്തിൽ വരും എന്നാണ് വിവിധ സർവേകൾ പ്രവചിക്കുന്നത്. 130ൽ താഴെ സീറ്റുകളാണ് പല സർവേകളും യുപിഎ മുന്നണിക്ക് പ്രവചിക്കുന്നത്.

2014ൽ യാഥാർഥ്യത്തോട് ഏറ്റവും ചേർന്നുനിന്ന എക്സിറ്റ് പോൾ പ്രവചിച്ച ടുഡേയ്‌സ് ചാണക്യ കോണ്ഗ്രസ്സ് ഭരിക്കുന്ന സംസ്ഥാനങ്ങളിലടക്കം ബിജെപി മേൽക്കൈ നേടും എന്നാണ് പ്രവചിച്ചിരിക്കുന്നത്. ഇന്ത്യ ടുഡേ ചാനൽ ചരിത്രത്തിലെ ഏറ്റവും വലിയ വിജയമാണ് ബിജെപിക്ക് പ്രവചിക്കുന്നത്. ഉത്തർപ്രദേശിൽ കോണ്ഗ്രസിന് ഒരു സീറ്റ് മാത്രം ലഭിക്കും എന്നും ഇന്ത്യ ടുഡേ പ്രവചിക്കുന്നു.

പ്രമുഖ ചനലുകളുടെയും ഏജൻസികളുടെയും എക്സിറ്റ് പോൾ ഫലങ്ങൾ ചുവടെ കൊടുക്കുന്നു.

ടൈംസ് നൗ സിഎൻഎക്‌സ്
എൻഡിഎ – 306
യുപിഎ – 132
മറ്റുള്ളവർ – 104

റിപ്പബ്ലിക് സീ വോട്ടർ
എൻഡിഎ 287
യുപിഎ 128
മറ്റുള്ളവർ 27

ന്യൂസ് എക്‌സ്
എൻഡിഎ 298
യുപിഎ 118
മറ്റുള്ളവർ 127

എൻഡിടിവി
എൻഡിഎ 300
യുപിഎ 126
മറ്റുള്ളവർ 16

പുറത്തുവന്ന എല്ലാ എക്സിറ്റ് പോളുകളും എൻഡിഎക്ക് അനുകൂലമായതോടെ പ്രതിപക്ഷ പാർട്ടി പാളയങ്ങളിൽ തിരക്കിട്ട ചർച്ചകൾ തുടങ്ങി എന്നാണ് സൂചനകൾ. തനിക്ക് എക്സിറ്റ് പോളുകളിൽ വിശ്വാസമില്ല എന്നാണ് എക്സിറ്റ് പോളുകളിലെ എൻഡിഎയുടെ മൃഗീയ മുന്നേറ്റത്തെപ്പറ്റി മമതാ ബാനർജി ട്വീറ്റ് ചെയ്തത്.