പ്രധാനമന്ത്രി നരേന്ദ്രമോദിയുടെ ഭരണമികവ് ബിജെപിയ്ക്ക് ഗുണകരം: അഞ്ച് സംസ്ഥാനങ്ങളിലും ‘ബിജെപിയുടെ തേരോട്ടമെന്ന് നടനും ബിജെപി നേതാവുമായ കൃഷ്ണ കുമാര്‍

ദുബായ്: അഞ്ച് സംസ്ഥാനങ്ങളില്‍ നടന്ന നിയമസഭാ തിരഞ്ഞെടുപ്പുകളിലെ ഫലം നാളെയാണ് പുറത്ത് വരുന്നത്. ഇതിനിടെ തിരഞ്ഞെടുപ്പ് ഫലത്തെ വിലയിരുത്തി നടനും ബിജെപി നേതാവുമായ കൃഷ്ണ കുമാര്‍ രംഗത്ത്.

ഈ തെരെഞ്ഞെടുപ്പിൽ ബിജെപി നാല് സംസ്ഥാനങ്ങളിലും മിന്നുന്ന വിജയം നേടുമെന്ന് അദ്ദേഹം പറഞ്ഞു. കൂടാതെ ഇനി കോണ്‍ഗ്രസ് മുക്ത ഭരണമാണ് വരാനിരിക്കുന്നതെന്നും അദ്ദേഹം കൂട്ടിച്ചേര്‍ത്തു. ദുബായ് എക്സ്പോയിലെ ഇന്ത്യന്‍ പവലിയന്‍ സന്ദര്‍ശിക്കാനെത്തിയതായിരുന്നു അദ്ദേഹം.

അതേസമയം ബിജെപിക്ക് ഗുണകരമായത് പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള ഭരണമികവാണെന്നും അദ്ദേഹം വ്യക്തമാക്കി. ഉത്തര്‍പ്രദേശും, മണിപ്പൂരും ഉള്‍പ്പടെയുള്ള സംസ്ഥാനങ്ങളില്‍ വലിയ ഭൂരിപക്ഷത്തോടെയായിരിക്കും ബിജെപി തുടര്‍ ഭരണം നേടുകയെന്നാണ് പ്രവചനങ്ങള്‍ ചൂണ്ടിക്കാണിക്കുന്നത്. മാത്രമല്ല ഇഞ്ചോടിഞ്ച് പോരാട്ടം നടന്ന ഗോവയിലും ബിജെപിയ്ക്ക് വ്യക്തമായ മുന്‍തൂക്കം ഉണ്ടാകുമെന്നാണ് എക്സിറ്റ് പോളുകളുടെ പ്രവചനം.