“ഹിന്ദുമതം ഉപേക്ഷിച്ച എല്ലാവരേയും, തിരികെ കൊണ്ടുവരിക എന്നത് മാത്രമാണ് ഇനിയുള്ള ഏക പോംവഴി”; തുറന്നടിച്ച് തേജസ്വി സൂര്യ

ബെംഗളൂരു: ഹിന്ദുമതം വിട്ട് മറ്റ് മതങ്ങളിലേക്ക് മാറിയ എല്ലാവരേയും ഹിന്ദു വിശ്വാസത്തിലേക്ക് തിരികെ കൊണ്ടു വരണമെന്ന് ബിജെപി നേതാവും ബാംഗ്ലൂർ സൗത്ത് എംപിയുമായ തേജസ്വി സൂര്യ. ഇതിനായി ഘർ വാപ്പസി പ്രചാരണം ശക്തമാക്കണമെന്നും അദ്ദേഹം ആവശ്യപ്പെട്ടു. ഉഡുപ്പിയിലെ ഒരു ചടങ്ങിനെ അഭിസംബോധന ചെയ്ത് സംസാരിക്കവെയായിരുന്നു അദ്ദേഹത്തിന്റെ പ്രതികരണം.

തേജസ്വി സൂര്യയുടെ വാക്കുകൾ ഇങ്ങനെ:

‘ ഹിന്ദു മതം വിട്ട് പുറത്തേക്ക് പോയ എല്ലാവരേയും, മതപരിവർത്തനം ചെയ്ത് തിരികെ കൊണ്ടുവരിക എന്നത് മാത്രമാണ് ഇനിയുള്ള ഏക പോംവഴി. നമ്മൾ അങ്ങനെ ചെയ്യുന്നവരല്ല, പക്ഷേ അങ്ങനെ ചെയ്യാൻ നിർബന്ധിക്കപ്പെടുകയാണ്. നമ്മൾ അങ്ങനെയായി മാറണം. ആ മാറ്റം നമ്മുടെയെല്ലാം ഡിഎൻഎയിലും പ്രതിഫലിക്കണം’ എന്നും അദ്ദേഹം പറഞ്ഞു

അതേസമയം ഇതിനായി എല്ലാ ക്ഷേത്രങ്ങളും മഠങ്ങളും ഈ ലക്ഷ്യം വച്ച് വച്ച് മുന്നോട്ട് പോകണമെന്നും, മതപരിവർത്തനം ചെയ്യപ്പെട്ട് പോയ എല്ലാവരേയും മാതൃമതത്തിലേക്ക് തിരികെ കൊണ്ടുവരേണ്ടതുണ്ടെന്നും തേജസ്വി സൂര്യ വ്യക്തമാക്കി. മതപരിവർത്തന വിരുദ്ധ ബിൽ കർണാടക നിയമസഭ പാസാക്കിയതിനെ കൂടി പ്രശംസിച്ചുകൊണ്ടായിരുന്നു തേജസ്വി സൂര്യയുടെ വാക്കുകൾ.