കണ്ണൂര്: പയ്യന്നൂര് ഏറ്റുകുടുക്കയില് ബിഎല്ഒ ആത്മഹത്യ ചെയ്ത നിലയിൽ. കുന്നരു യുപി സ്കൂളിലെ പ്യൂണ് അനീഷ് ജോര്ജിനെയാണ് ഇന്ന് തൂങ്ങിമരിച്ച നിലയില് കണ്ടെത്തിയത്. തീവ്ര വോട്ടർ പട്ടിക പരിഷ്കരണവുമായി ബന്ധപ്പെട്ട ജോലി സമ്മർദം അനീഷിനെ അലട്ടിയിരുന്നതായി കുടുംബം പറയുന്നു. മരണകാരണമെന്നാണ് ബന്ധുക്കളുടെ ആരോപണം. വ്യക്തിപരമായ മറ്റു കാരണങ്ങളൊന്നുമില്ലെന്നും കഴിഞ്ഞ ദിവസവും വോട്ടർ പട്ടികയുമായി ബന്ധപ്പെട്ട തിരക്കിലായിരുന്നുവെന്നും കുടുംബം പറയുന്നു. അതിനിടെയാണ് ഇന്ന് അനീഷിനെ മരിച്ചനിലയിൽ കണ്ടെത്തിയത്
അനീഷ് ജോര്ജ് ജോലി സമ്മര്ദത്തെക്കുറിച്ച് നേരത്തേ ജില്ലാ കളക്ടര്ക്ക് പരാതി നല്കിയിരുന്നതായി പറയപ്പെടുന്നു. ബിഎല്ഒയുടെ മരണവുമായി ബന്ധപ്പെട്ട് മുഖ്യ തെരഞ്ഞെടുപ്പ് ഓഫീസര് ജില്ലാ കളക്ടറോട് റിപ്പോര്ട്ട് തേടി.സംഭവത്തിൽ അസ്വാഭാവിക മരണത്തിന് കേസെടുത്തിട്ടുണ്ട്. പൊലീസ് അന്വേഷണം തുടങ്ങി. തെരഞ്ഞെടുപ്പ് ഡ്യൂട്ടിയുടെ സമ്മർദ്ദമാണോ അനീഷിൻ്റെ മരണത്തിന് കാരണമെന്നും അന്വേഷിക്കുന്നുണ്ട്. മൃതദേഹം ആശുപത്രിയിലേക്ക് മാറ്റി.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് ‘ദിശ’ ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056)
