NATIONAL NEWS

യോഗി ഭരണം അടയാളപ്പെടുത്തി ‘ഉത്തര്‍പ്രദേശിനെ മാറ്റിമറിച്ച സന്യാസി’. മോഹൻദാസ് പൈ യുടെ അവതാരികയുമായി മറ്റൊരു ശന്തനു ഗുപ്‌ത പുസ്തകം

ശന്തനു ഗുപ്‌ത യുടെ ‘ഉത്തര്‍പ്രദേശിനെ മാറ്റിമറിച്ച സന്യാസി’ എന്ന പുസ്തകം തരംഗമായി മാറുന്നു.ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്‍റെ ജീവിതമാണ് പുസ്തകത്തിലെ ഇതിവൃത്തം.
നേരത്തെ ‘മുഖ്യമന്ത്രിയായി മാറിയ സന്യാസി’ എന്ന യോഗിയുടെ ജീവിത കഥ യും ശന്തനുവിന്റേതായി പ്രസിദ്ധീകരിക്കപ്പെട്ടിട്ടുണ്ട്. എങ്ങിനെയൊക്കെയാണ് യോഗി ഉത്തര്‍പ്രദേശിനെ മാറ്റിയെടുത്തതെന്ന കഥയാണ് ഈ പുസ്തകം പറയുന്നത്. ക്രമസമാധാനം, റോഡ്-വ്യോമ ഗതാഗതം, വിദ്യാഭ്യാസം, ആരോഗ്യ അടിസ്ഥാന സൗകര്യങ്ങള്‍, വൈദ്യുതി, വ്യവസായ വളര്‍ച്ച, കൃഷി തുടങ്ങി ഒട്ടേറെ മേഖലകള്‍ ലേഖകന്‍ വിശകലനം ചെയ്യുന്നുണ്ട്.

മുന്‍ ഇന്‍ഫോസിസ് ഡയറക്ടറും ഏഷ്യന്‍ കാപിറ്റര്‍ ചെയര്‍മാനുമായ ടി.വി. മോഹന്‍ദാസ് പൈ ആണ് പുസ്തകത്തിന് അവതാരിക എഴുതിയിരിക്കുന്നത്. ‘യോഗി അധികാരമേറ്റെടുത്തപ്പോള്‍ ദല്‍ഹിയിലെ ല്യൂട്ടെന്‍സ് (ദല്‍ഹിയിലെ പഴയ അധികാരഘടനയും അതിന്‍റെ പിന്തുണക്കാരും ഉള്‍പ്പെടുന്ന ഉന്നതഅധികാരകേന്ദ്രത്തെ വിശേഷിപ്പിക്കുന്ന പദം) കോപത്താല്‍ പൊട്ടിത്തെറിച്ചു. അദ്ദേഹത്തിന്‍റെ മുഖ്യമന്ത്രിയെന്ന നിലയിലുള്ള കഴിവിനെ അവര്‍ ചോദ്യം ചെയ്തു. അദ്ദേഹത്തെ അധിക്ഷേപിച്ചു. ഭരണം സമ്പൂര്‍ണ്ണപരാജയമാകുമെന്ന് പ്രവചിച്ചു. അഞ്ച് തവണ എംപി ആയ വ്യക്തിയാണെന്ന കാര്യം, എംപിയെന്ന നിലയിലുള്ള അദ്ദേഹത്തിന്‍റെ കുറ്റമറ്റ പ്രവര്‍ത്തനചരിത്രം, ഉത്തര്‍പ്രദേശിലെ എല്ലാ ജില്ലകളിലും പര്യടനം നടത്തിയതിന്റെ അനുഭവ പരിചയം, തന്റെ എതിരാളികളേക്കാള്‍ യുപിയിലെ ജനങ്ങളുടെ ജീവിതസാഹചര്യം അറിയുന്ന വ്യക്തിയെന്ന വിശേഷണം- ഇതെല്ലാം അവര്‍ മറന്നു’ – മോഹന്‍ദാസ് പൈ പറയുന്നു.

ഗുണ്ടായിസം, അഴിമതി, സ്വജനപക്ഷപാതം എന്നിവ മുഖ മുദ്രയാക്കിയ സമാജ് വാദി പാർട്ടിയുടെയും, ബഹുജൻ സമാജ്‌വാദി പാർട്ടിയുടെയും ഭരണകൂടങ്ങളെ പുസ്തകം പരാമർശിക്കുന്നു. യോഗി ഭരണത്തിന്റെ വ്യക്തമായ താരതമ്യ പഠനവും പുസ്തകത്തിലുണ്ട്.

‘അഴിമതി യുപിയുടെ അടിസ്ഥാന വ്യാകരണമായിരുന്നു. വികസന സൂചികകകള്‍ എല്ലാം അങ്ങേയറ്റം താഴെ വീണുകിടക്കുകയായിരുന്നു ഈ ഭരണത്തില്‍. കുറ്റകൃത്യങ്ങളുടെ എണ്ണം കൂടി വന്നു. ബോളിവുഡിന് മാത്രമാണ് ഉത്തര്‍പ്രദേശിനെക്കൊണ്ട് ഉപകാരമുണ്ടായത്. യുപിയിലെ അനുഭവങ്ങളാണവർ അവര്‍ ക്രിമിനല്‍ ത്രില്ലറുകളായ സിനിമകളാക്കി മാറ്റിയത്.’- എഴുത്തുകാരൻ പറയുന്നു. പിന്നോക്കാവസ്ഥയിൽ നിന്നും സംസ്ഥാനത്തെ യോഗി പുരോഗതിയിലേക്ക് നയിച്ചതെങ്ങനെ എന്ന് പുസ്തകം വിശദമായി പ്രതിപാദിക്കുന്നുണ്ട് . ഗുണ്ടാരാജ് നീക്കിയത് യോഗിയുെട വലിയ നേട്ടമാണ്. സമാജ് വാദി പാര്‍ട്ടി ഭരണത്തില്‍ വര്‍ഷം 43000 രൂപ എന്ന ആളോഹരി വരുമാനം 2021ല്‍ എത്തുമ്പോള്‍ 95000 രൂപയായി ഉയര്‍ന്നു.

ലോകാരോഗ്യസംഘടന, ഐ ഐടി കാണ്‍പൂര്‍, നീതി ആയോഗ്, മുംബൈ ഹൈക്കോടതി എന്നിവര്‍ യോഗിയുടെ കോവിഡ് മാനേജ്‌മെന്റിനെ പുകഴ്ത്തി. യോഗിയെ കടം തരുമോ എന്നാണ് അദ്ദേഹത്തിന്‍റെ കോവിഡിനെ പിടിച്ചുകെട്ടാനുള്ള പരിശ്രമങ്ങള്‍ കണ്ടപ്പോള്‍ ആസ്‌ത്രേല്യയിലെ എംപി ക്രെയ്ഗ് കെല്ലി ചോദിച്ചത്.

B4 Admin

Recent Posts

ഭക്തിനിർഭരമായ ചടങ്ങുകളോടെ പണ്ഡാര പൊങ്കാല അടുപ്പ് ഒരുങ്ങി: കാർത്തിക പൊങ്കാലയ്ക്കായി ആത്മീയ ആവേശത്തിലേക്ക് ഉണർന്ന് ചക്കുളത്തുകാവ്!

ഭാരതത്തിന്റെ സനാതന സാംസ്കാരിക പൈതൃകത്തിന്റെയും അചഞ്ചലമായ ദേവീഭക്തിയുടെയും പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ വിശ്വപ്രസിദ്ധമായ കാർത്തിക പൊങ്കാല മഹോത്സവത്തിന്…

10 hours ago

സിപിഎം സെക്രട്ടറി സ്ഥാനത്തുനിന്നുള്ള മാറ്റം അറിയാതെയാണ് കോടിയേരി മരിച്ചതെന്ന് വെളിപ്പെടുത്തൽ: പിണറായിക്കെതിരെ ഭാര്യാസഹോദരൻ

സിപിഎം മുൻ സംസ്ഥാന സെക്രട്ടറി കോടിയേരി ബാലകൃഷ്ണന്റെ അവസാന നാളുകളെക്കുറിച്ച് നിർണായക വെളിപ്പെടുത്തലുകളുമായി ഭാര്യയുടെ സഹോദരൻ എസ്.ആർ. വിനയകുമാർ. പാർട്ടി…

17 hours ago

കലാപഭൂമിയിൽ കരുതലിന്റെ കരങ്ങളുമായി ആർ.എസ്.എസ്: മണിപ്പൂരിന്റെ അഖണ്ഡതയും സമാധാനവും കാത്തുസൂക്ഷിക്കാൻ ദേശീയ ദൗത്യം

നവംബർ 16 മുതൽ 20 വരെ അസം, മണിപ്പൂർ എന്നിവിടങ്ങളിൽ ആർ.എസ്.എസ് സർസംഘചാലക് ഡോ. മോഹൻ ഭാഗവത് നടത്തിയ പഞ്ചദിന…

17 hours ago

പഞ്ചാബ് പോലീസുകാരന്റെ കൊലപാതകം: പ്രധാന പ്രതി ഹാപ്പി ബഹ്മാൻ പിടിയിൽ!

പഞ്ചാബ് പോലീസുകാരന്റെ കൊലപാതകക്കേസിൽ പ്രധാന ഷൂട്ടറെന്ന് സംശയിക്കുന്ന ഹാപ്പി ബഹ്മാനെ പിടികൂടി. പഞ്ചാബ് പോലീസിന്റെ ആന്റി ഗ്യാങ്സ്റ്റർ ടാസ്‌ക് ഫോഴ്‌സ്…

17 hours ago

ബാലിയിൽ 50 അടി ഉയരത്തിൽ ഗണേശ വിഗ്രഹം: 126 കലാകാരന്മാരുടെ കരവിരുതിൽ ഗിന്നസ് വേൾഡ് റെക്കോർഡിൽ ഇടംനേടി സനാതന പൈതൃകം!

ഇന്തോനേഷ്യയിലെ ബാലി പ്രവിശ്യയിലെ ജിയാന്യാറിൽ ഉയർന്ന അമ്പത് അടിയിലധികം ഉയരമുള്ള ഭഗവാൻ ഗണേശന്റെ ഭീമൻ ശിൽപ്പം ലോകശ്രദ്ധ പിടിച്ചുപറ്റി ഗിന്നസ്…

17 hours ago

നിറം വർധിപ്പിക്കാൻ ഉപയോഗിച്ച ക്രീമിൽ കൊടുംവിഷം! 17കാരിയുടെ വൃക്കകൾക്ക് ഗുരുതര തകരാർ: മെർക്കുറി കണ്ടെത്തിയത് 12,500 പി.പി.എം

സൗന്ദര്യം വർധിപ്പിക്കാനും ചർമ്മത്തിന് നിറം നൽകാനുമായി ഉപയോഗിച്ച ഫെയർനസ് ക്രീം 17കാരിക്ക് ഗുരുതര ആരോഗ്യപ്രശ്നമായി. ക്രീമിലെ മെർക്കുറി വിഷബാധയെ തുടർന്ന്…

21 hours ago