അതിർത്തി തർക്കം: പള്ളി സെക്രട്ടറിയുടെ നേതൃത്വത്തിൽ വീടിനുനേരെ ഗുണ്ടായിസം; ആറ് പേർക്കെതിരെ കേസെടുത്ത് പോലീസ്

കോഴിക്കോട് ; അതിർത്തി തർക്കത്തെ തുടർന്ന് പള്ളിക്കമ്മിറ്റി സെക്രട്ടറിയുടെ നേതൃത്വത്തിൽ വീട് ആക്രമിച്ചതായി പരാതി നൽകി കോഴിക്കോട് കല്ലായ് സ്വദേശി യഹിയ. നടന്ന സംഭവത്തിൽ പള്ളിക്കമ്മിറ്റി സെക്രട്ടറി ഉൾപ്പെടെ ആറ് പേർക്കെതിരെ കേസെടുത്ത് പോലീസ്. യഹിയയുടെ വീട്ടിലേക്ക് ഒരു കൂട്ടം ആളുകൾ അതിക്രമിച്ച് കടക്കുകയായിരുന്നു തുടർന്ന് യഹിയയുടെ ഭാര്യ ആയിഷബി മാത്രം വീട്ടിലുളളപ്പോഴായിരുന്നു ആക്രമണം. ആക്രമണത്തിൽ രണ്ട് ലക്ഷം രൂപയുടെ നഷ്ടമുണ്ടായിട്ടുണ്ട് . വീടിന്റെ ചുറ്റുമതിൽ, മുൻഭാഗത്തെ പടികൾ, മുകൾഭാഗത്തെ ഷീറ്റുകൾ എന്നിവ സംഘം തല്ലിത്തകർത്തു.

പള്ളിയുടെ ശുചിമുറിയിലെ എക്‌സോസ്റ്റ് ഫാൻ വീടിന് അഭിമുഖമായാണ് വച്ചിരിക്കുന്നത് .ഇത് ചോദ്യം ചെയ്ത് യഹിയ കോർപറേഷനിന് ഒരു പരാതി നൽകിയിരുന്നു. കോർപറേഷന്റെ അന്വേഷണത്തിൽ ശുചിമുറി നിർമ്മാണം കെട്ടിട നിർമ്മാണ ചട്ടം ലംഘിച്ചാണെന്ന് കണ്ടത്തി . ഇതിന് പിന്നാലെ ശുചിമുറി പൊളിച്ചുനീക്കാൻ കോർപറേഷൻ ഉത്തരവിടുകയായിരുന്നു. ഇതോടെയാണ് പള്ളിക്കമ്മിറ്റി അംഗങ്ങൾക്ക് തങ്ങളോട് വൈരാഗ്യം തോന്നി തുടങ്ങിയത് എന്ന് യഹിയ പറയുന്നു .
അക്രമം നടത്തിയത് ആരാണെന്ന് അറിയില്ലെന്നും പ്രശ്‌നം പരിഹരിക്കാൻ തങ്ങൾ തയ്യാറാകുന്നില്ലെന്നും യഹിയയുടെ കുടുംബം വ്യക്തമാക്കി .