മധ്യപ്രദേശിൽ കുഴൽക്കിണറിൽ വീണ കുട്ടി മരിച്ചു; നാല് ദിവസത്തിന് ശേഷം അഴുകിയ മൃതദേഹംപുറത്തെടുത്തു,കുട്ടിയെ രക്ഷിക്കുന്നതിൽ അധികൃതർക്ക് വീഴ്ച പറ്റിയെന്ന് കുടുംബം

മധ്യപ്രദേശ് : കുഴൽക്കിണറിൽ വീണ എട്ട് വയസ്സുകാരൻ മരിച്ചു. ബേതുൽ ജില്ലയിലെ മാണ്ഡവി ഗ്രാമത്തിൽ ഡിസംബർ ആറിനാണ് കുട്ടി കുഴൽക്കിണറിൽ വീണത്. എട്ട് വയസ്സുകാരൻ തൻമയ് സാഹു എന്ന കുട്ടിയാണ് 55 അടി താഴ്ചയുള്ള കുഴൽക്കിണറിലേക്ക് വീണത്. ദുരന്തനിവാരണ സേന, പോലീസ് എന്നിവരുടെ നേതൃത്വത്തിൽ ഉടനെ രക്ഷാപ്രവർത്തനം ആരംഭിച്ചിരുന്നു. നാല് ദിവസത്തെ പരിശ്രമത്തിന് ശേഷമാണ് കുട്ടിയെ പുറത്ത് എടുക്കാൻ സാധിച്ചത്. അപ്പോഴേക്കും കുട്ടി മരിച്ചിരുന്നു. കുട്ടിയെ രക്ഷിക്കുന്നതിൽ അധികൃതർക്ക് വീഴ്ച പറ്റിയെന്ന് ആരോപിച്ച് തൻമയുടെ കുടുംബം രംഗത്തുവന്നു.

കുട്ടി വീണ് ഏറെ നേരം കഴിഞ്ഞാണ് രക്ഷാപ്രവർത്തനം ആരംഭിച്ചത്. ഒരുപാട് മസയം കളഞ്ഞു, ഉദ്യോഗസ്ഥർ ഒന്നും ഞങ്ങളോട് പറയുന്നുണ്ടായിരുന്നില്ല. അവനെയൊന്ന് കാണാൻ പോലും അനുവദിച്ചില്ലെന്നും കുട്ടിയുടെ അച്ഛൻ ആരോപിച്ചു.