കൊച്ചി: ബ്രഹ്മപുരം മാലിന്യ പ്ലാന്റിനുണ്ടായ തീപിടിത്തത്തെ തുടർന്ന് കൊച്ചിയെ മൂടിയ വിഷപ്പുകയ്ക്ക് ആറാം ദിവസവും ശമനമില്ല. ഇന്ന് കാഴ്ച്ച മറയ്ക്കും വിധമാണ് പുക മൂടിയിരിക്കുന്നത്. കഴിഞ്ഞദിവസത്തേക്കാൾ ഇന്ന് വിഷപ്പുക രൂക്ഷമാണെന്നാണ് റിപ്പോർട്ടുകൾ. ഒന്നും ചെയ്യാനില്ലാതെ കുഴങ്ങുകയാണ് അധികൃതർ. ഇന്നും വിദ്യാഭ്യാസ സ്ഥാപനങ്ങൾക്ക് കൊച്ചിയിൽ അവധി പ്രഖാപിച്ചിട്ടുണ്ട്. വടവുകോട്, പുത്തൻകുരിശ്, കിഴക്കമ്പലം, കുന്നത്തുനാട് പഞ്ചായത്തുകളിലും തൃക്കാക്കര, തൃപ്പുണിത്തുറ, മരട് മുനിസിപ്പാലിറ്റികളിലും, കൊച്ചി കോർപ്പറേഷനിലുമാണ് ഒന്ന് മുതൽ ഏഴ് വരെ ക്ലാസ്സുകൾക്ക് ആരോഗ്യമുൻകരുതലിന്റെ ഭാഗമായി അവധി പ്രഖ്യാപിച്ചിട്ടുള്ളത്. മാലിന്യ കൂമ്പാരത്തിലെ തീ അണച്ചുവെന്ന് അധികൃതർ അവകാശപ്പെടുമ്പോഴും പുക നിയന്ത്രിക്കാൻ ഇതുവരെ സാധിക്കാത്തത് ആശങ്കാജനകമാണ്. നിരവധിപേർ ഇതിനോടകം തന്നെ ആരോഗ്യ പ്രശ്നങ്ങളാൽ ചികിത്സ തേടിയിട്ടുണ്ട്. അതേസമയം പ്ലാന്റ് പ്രവർത്തന രഹിതമായതോടെ കൊച്ചിയിലെ മാലിന്യനീക്കം തടസ്സപ്പെട്ടിരിക്കുന്നു. അതുകൊണ്ടുതന്നെ ജൈവമാലിന്യം ഇന്ന് മുതൽ അമ്പലമേട്ടിൽ കിൻഫ്രയുടെ സ്ഥലത്ത് നിക്ഷേപിക്കാൻ നഗരസഭ തീരുമാനിച്ചിട്ടുണ്ട്.
ഇതിനിടെ ബ്രഹ്മപുരം മാലിന്യ പ്ലാന്റിലെ തീപിടിത്തത്തിന്റെ പുകശല്യം ശാശ്വതമായി പരിഹരിക്കാൻ സ്വീകരിച്ച നടപടികൾ അറിയിക്കണമെന്ന് മനുഷ്യാവകാശ കമ്മീഷൻ ആവശ്യപ്പെട്ടിരിക്കുകയാണ്. നടപടികൾ രണ്ടാഴ്ചക്കകം അറിയിക്കണമെന്നാണ് നിർദേശം. ചീഫ് സെക്രട്ടറി, എറണാകുളം ജില്ലാ കളക്ടർ, മലിനീകരണ നിയന്ത്രണ ബോർഡ് എൻവയൺമെന്റൽ എഞ്ചിനിയർ, കൊച്ചി നഗരസഭാ സെക്രട്ടറി എന്നിവർക്കാണ് കമ്മീഷൻ അധ്യക്ഷൻ ജസ്റ്റിസ് ആന്റണി ഡൊമിനിക് നോട്ടീസയച്ചത്.
തിരുവനന്തപുരം: കേരളത്തിൽ രാഷ്ട്രീയ മാറ്റത്തിന് തുടക്കം കുറിക്കുന്ന തെരഞ്ഞെടുപ്പ് ഫലമാവും ഉണ്ടാവുകയെന്ന് ബിജെപി സംസ്ഥാന അദ്ധ്യക്ഷനും വയനാട് മണ്ഡലത്തിലെ എൻഡിഎ…
തലസ്ഥാനത്ത് വീണ്ടും ജീവനെടുത്ത് ടിപ്പർ. കഴക്കൂട്ടം വെട്ടുറോഡില് ടിപ്പറിനടിയില്പ്പെട്ട് യുവതി മരിച്ചു . പെരുമാതുറ സ്വദേശിനി റുക്സാന (35) ആണ്…
മുളന്തുരുത്തി : വഴി യാത്രക്കാരിയായ യുവതിക്ക് നേരെ ബൈക്കിലെത്തി നഗ്നതാ പ്രദര്ശനം നടത്തിയ മദ്രസ അദ്ധ്യാപകൻ പിടിയിലായി. വെങ്ങോല കുരിങ്കരവീട്ടില്…
കേസിൽ പ്രതിയായായിരുന്ന കെ എസ് ഹംസ ഇപ്പോൾ പ്രതിയല്ല ; ഇതെന്ത് മറിമായം ?
തിരുവനന്തപുരം: വെങ്ങാനൂർ പൗർണമിക്കാവ് ബാല ത്രിപുരസുന്ദരിദേവീ ക്ഷേത്രത്തിൽ പ്രതിഷ്ഠിക്കാനുള്ള ഭാരതത്തിലെ തന്നെ ഏറ്റവും ഉയരം കൂടിയ മാർബിൾ വിഗ്രഹം ബെംഗളുരുവിലെത്തി…
ഷാബാനുകേസിൻ്റെ ഭാവിയായിരിക്കും രാമക്ഷേത്രവിധിക്കുമെന്ന് രാഹുല് ഗാന്ധി