നര്‍മദ നദിയിലേക്ക് ബസ് മറിഞ്ഞ് വൻ അപകടം; 13 മരണം, ബസിലുണ്ടായിരുന്നത് 50 ലേറെ പേർ, മരണസംഖ്യ ഉയരാനാണ് സാധ്യതയെന്ന് പൊലീസ്

ഇന്‍ഡോര്‍: മധ്യപ്രദേശില്‍ ധര്‍ ജില്ലയില്‍ ബസ് നര്‍മദ നദിയിലേക്ക് വീണു.അപകടത്തില്‍ 13 യാത്രക്കാര്‍ മരിച്ചു. 50-ലേറെ പേർ ബസിലുണ്ടായിരുന്നു. ബസിൽ നിന്നും 15 പേരെ രക്ഷപ്പെടുത്തി.
ഇൻഡോറിൽ നിന്ന് പൂനെയിലേക്ക് വരികയായിരുന്ന ബസാണ് നർമ്മദ നദിയിൽ പതിച്ചത്. .

തിങ്കളാഴ്ച രാവിലെയാണ് അപകടം സംഭവിച്ചത്. 9 മൃതദേഹങ്ങള്‍ കണ്ടെത്തി.നര്‍മദ നദിയില്‍ നല്ല ഒഴുക്കുണ്ടായിരുന്നതുകൊണ്ട് മരണസംഖ്യ ഉയരാനാണ് സാധ്യതയെന്നു പൊലീസ് അറിയിച്ചു.ബസ് പൂര്‍ണമായി നദിയില്‍ മുങ്ങിയ നിലയിലായിരുന്നു. ഇന്‍ഡോറില്‍നിന്ന് പുണെയിലേക്ക് പോയ ബസാണ് നദിയിലേക്ക് വീണത്.ബസ് നദിയില്‍നിന്ന് പുറത്തെടുത്തു. ദുരന്ത നിവാരണ സേനയും നാട്ടുകാരും രക്ഷാപ്രവര്‍ത്തനം നടത്തുന്നുണ്ട്.