ചൈനീസ് പട്ടാളക്കാരെയും സ്വന്തം പട്ടാളക്കാരെയും തിരിച്ചറിയാനാവുന്നില്ല!ചൈനക്കാരെ തിരിച്ചറിയാൻ ഹാൻഡ്‌ബുക്കുമായി തായ്‌വാൻ സർക്കാർ

തായ്‌പേയ് : ചൈനീസ് പട്ടാളക്കാരെ തിരിച്ചറിയാൻ ഹാൻഡ്‌ബുക്കുമായി തയ്‌വാൻ സർക്കാർ. ഒറ്റനോട്ടത്തിൽ തയ്‌വാൻ സൈനികരെയും ചൈനീസ് സൈനികരെയും കണ്ടാൽ ഒരുപോലെയിരിക്കുന്നതിനാലാണ് ചൈനീസ് പട്ടാളക്കാരെ തിരിച്ചറിയാൻ പുതുക്കിയ സിവിൽ ഡിഫൻസ് ഹാൻഡ്‌ബുക്ക് തയ്‌വാൻ സൈന്യം പുറത്തിറക്കിയത്. യൂണിഫോം, കാമോഫ്ലാജ്, പദവിമുദ്ര എന്നിവയിലെ വ്യത്യാസം ഹാൻഡ്ബുക്കിൽ പ്രത്യേകം പ്രത്യേകം എടുത്ത് പറഞ്ഞിരിക്കുന്നു.

പീപ്പിൾസ് ലിബറേഷൻ ആർമിയുടെ യൂണിഫോം ധരിക്കുന്ന ചൈനീസ് സൈനികർ നുഴഞ്ഞുകയറുമ്പോൾ തയ്‌വാൻ സൈന്യത്തിന്റെ യൂണിഫോം ധരിച്ചേക്കാമെന്ന് ഓൾ-ഔട്ട് ഡിഫൻസ് മൊബിലൈസേഷൻ ഏജൻസി ഡയറക്ടർ ഷെൻ വെയ്-ചിഹ് പറഞ്ഞു. ഇതിന് തടയിടാനാണ് പുതിയ നടപടി.
ജനാധിപത്യ രീതിയിൽ ഭരണം കൈമാറുന്ന തയ്‌വാനു മേൽ ചൈന നിരന്തരം അവകാശവാദമുന്നയിക്കുകയാണ്.