ദിണ്ടിഗലിൽ കാർ ലോറിയിൽ ഇടിച്ച് കയറി അപകടം; 3 മരണം ; അപകടത്തിനിരയായത് കേരളത്തിലെ ദുഃഖവെള്ളി പ്രാർത്ഥനകളിൽ പങ്കെടുത്ത് മടങ്ങിയ സംഘം

ഡിണ്ടിഗൽ : കേരളത്തിലെ ദുഃഖവെള്ളി പ്രാർത്ഥനകളിൽ പങ്കെടുത്ത് മടങ്ങിയ സംഘം സഞ്ചരിച്ചിരുന്ന കാർ ലോറിയിൽ ഇടിച്ചുകയറിയുണ്ടായ അപകടത്തിൽ മൂന്ന് പേർ മരിച്ചു, മൂന്ന് പേർക്ക് പരിക്കേറ്റു. ഇന്നലെ വൈകുന്നേരം വേടസന്ധൂർ-ഒട്ടൻചത്തിരം റോഡിലായിരുന്നു അപകടം.

തിരുച്ചിയിലെ മണപ്പാറൈ താലൂക്കിലെ ധർമ്മപുരം സ്വദേശികളായ ചിന്നപ്പൻ, അഗസ്റ്റിൻ പ്രഭു, റോബർട്ട് എന്നിവരാണ് മരിച്ചതെന്ന് തിരിച്ചറിഞ്ഞു. ജോൺ കെന്നഡി, അർപുതരാജ്, മിൽട്ടൺ ജെബകുമാർ എന്നിവർക്കാണ് പരിക്കേറ്റത്.

ചിന്നപ്പനായിരുന്നു കാർ ഓടിച്ചിരുന്നത്. ചിന്നപ്പനും അഗസ്റ്റിൻ പ്രഭുവും സംഭവസ്ഥലത്ത് തന്നെ മരിച്ചു.
ജോൺ കെന്നഡി, അർപുതരാജ്, മിൽട്ടൺ ജെബകുമാർ എന്നിവരെ വേടസന്ധൂരിലെ സർക്കാർ ആശുപത്രിയിൽ പ്രവേശിപ്പിച്ചു. വേടസന്ധൂരിലെ സർക്കാർ ആശുപത്രിയിൽ വച്ചാണ് റോബർട്ട് മരിച്ചത്.
പ്രഥമശുശ്രൂഷയ്ക്ക് ശേഷം മറ്റുള്ളവരെ ഡിണ്ടിഗലിലെ സർക്കാർ ആശുപത്രിയിൽ പ്രവേശിപ്പിച്ചു. വേടസന്ധൂർ പോലീസ് കേസെടുത്തു.