കോട്ടയത്ത് കാൽനട യാത്രികയെ കാർ ഇടിച്ച് തെറിപ്പിച്ചു;നിർത്താതെ പോയ വാഹനം കണ്ടെത്താനാകാതെ പോലീസ്

കോട്ടയം:പാലായിൽ കാൽനട യാത്രികയെ കാർ ഇടിച്ച് തെറിപ്പിച്ചു.കല്ലറ ആയാംകുടി സ്വദേശി സ്നേഹ ഓമനക്കുട്ടനെയാണ് വാഹനം ഇടിച്ച് തെറിപ്പിച്ചത്.യുവതി നിലത്ത് തെറിച്ചു വീണിട്ടും കാർ നിർത്താതെ പോവുകയായിരുന്നു.

കഴിഞ്ഞ ദിവസം ഉച്ചയ്ക്ക് ഒരു മണിയോടെ പാലാ ബൈപ്പാസിലാണ് അപകടം നടന്നത്. അപകടത്തിൽ യുവതിയുടെ കൈക്ക് പൊട്ടലുണ്ട്. സംഭവത്തിൽ യുവതി പരാതി നൽകിയിട്ടും വാഹനം കണ്ടെത്താൻ പോലീസിന് കഴിഞ്ഞില്ല. അപകടത്തിന്റെ സിസിടിവി ദൃശ്യം പുറത്ത് വന്നിട്ടുണ്ട്.