വിവാദ വീഡിയോ; പ്രതികൾ എന്നപേരിൽ മണിപ്പൂർ ബിജെപി ഉപാദ്ധ്യക്ഷന്റെയും മകന്റെയും ചിത്രം പ്രചരിപ്പിച്ച പോളിറ്റ് ബ്യുറോ അംഗം സുഭാഷിണി അലിക്കെതിരെ കേസ്! മാപ്പ് പറഞ്ഞ് തടിയൂരാൻ ശ്രമം!

മണിപ്പൂരിൽ നിന്നും വന്ന വിവാദ വീഡിയോയിലെ പ്രതികൾ എന്നപേരിൽ മണിപ്പൂർ ബിജെപി ഉപാദ്ധ്യക്ഷന്റെയും മകന്റെയും ചിത്രം പ്രചരിപ്പിച്ച പോളിറ്റ് ബ്യുറോ അംഗം സുഭാഷിണി അലിക്കെതിരെ കേസ്. വ്യാജ പ്രചരണം നടത്തിയെന്ന കുറ്റത്തിനാണ് പോലീസ് കേസെടുത്തത്. മണിപ്പൂര്‍ സൈബര്‍ ക്രൈം പൊലീസാണ് കേസെടുത്തത്. സംഭവം വിവാദായതോടെ പോസ്റ്റ് നീക്കം നീക്കം ചെയ്തതായും മാപ്പ് പറയാൻ തയ്യാറായതായും സുഭാഷിണി അലി പറഞ്ഞു.

മണിപ്പൂരില്‍ സ്ത്രീകളെ നഗ്നരാക്കി അധിക്ഷേപിച്ച യുവാക്കള്‍ ബിജെപി പ്രവര്‍ത്തകരാണെന്ന് സൂചിപ്പിച്ചുകൊണ്ടുള്ള സുഭാഷിണി അലിയുടെ പോസ്റ്റാണ് വിവാദമായിരുന്നത്. കുകി വിഭാഗത്തില്‍പ്പെട്ട സ്ത്രീകളെ അധിക്ഷേപിച്ചത് ബിജെപി മണിപ്പൂര്‍ വൈസ് പ്രസിഡന്റ് ചിദാനന്ദ സിങും മകനുമാണെന്നായിരുന്നു ഇരുവരുടേയും ചിത്രങ്ങള്‍ ഉള്‍പ്പെടുത്തിക്കൊണ്ടുള്ള ട്വീറ്റിലൂടെ സുഭാഷിണി അലി സൂചിപ്പിച്ചിരുന്നത്.