സ്വർണാഭരണങ്ങൾ നൽകാത്തതിന്റെ വൈരാഗ്യത്തിൽ സഹോദരിയെ മർദ്ദിക്കുകയും സമൂഹ മാദ്ധ്യമങ്ങളിലൂടെ അപകീർത്തിപ്പെടുത്തുകയും ചെയ്ത യൂട്യൂബ് വ്ളോഗർക്കെതിരെ കേസെടുത്തു. ആലപ്പുഴ വനിത പോലീസിന്റേതാണ് നടപടി. മണ്ണഞ്ചേരി തിരുവാതിര വീട്ടിൽ താമസിച്ചുവരുന്ന കുതിരപ്പന്തി പുത്തൻവീട്ടിൽ ഗ്രീൻഹൗസ് രോഹിത്തിന് (27) എതിരെയാണ് പരാതി. ഴിഞ്ഞ മൂന്നിനാണ് കേസിനാസ്പദമായ സംഭവം.
സഹോദരിയായ റോഷ്നിക്ക് അച്ഛൻ നൽകിയ സ്വർണാഭരണങ്ങൾ പ്രതി വിൽക്കാൻ ശ്രമിച്ചത് തടഞ്ഞതിലുള്ള വൈരാഗ്യമാണ് മർദനത്തിന് കാരണമെന്ന് പോലീസ് പറഞ്ഞു. പിന്നാലെ അമ്മയേയും സഹോദരിയേയും അപകീർത്തിപ്പെടുത്തുന്ന തരത്തിലുള്ള വിഡിയോ പ്രതിയുടെ ഗ്രീൻ ഹൗസ് ക്ലീനിങ് സർവീസ് എന്ന യുട്യൂബ് ചാനൽ വഴിയും മറ്റ് സമൂഹ മാദ്ധ്യമങ്ങൾ വഴിയും പ്രചരിപ്പിക്കുക ആയിരുന്നുവെന്ന് പോലീസ് പറഞ്ഞു.
