കോവിഡിനോട് പോരാടാൻ കേരളത്തിന് കേന്ദ്രത്തിന്റെ കൈത്താങ്ങ്; സംസ്ഥാനത്തിന് 267.35 കോടി രൂപ അനുവദിച്ച് കേന്ദ്ര ആരോഗ്യ മന്ത്രാലയം

തിരുവനന്തപുരം: കേരളത്തിന്റെ കോവിഡ് പ്രതിരോധ പ്രവര്‍ത്തനങ്ങള്‍ക്കായി സംസ്ഥാനത്തിന് കോവിഡ് അടിയന്തര സഹായ പാക്കേജിലെ അടുത്ത ഗഡു പ്രഖ്യാപിച്ച്‌ കേന്ദ്ര സര്‍ക്കാര്‍. കോവിഡ് അടിയന്തര സഹായ പാക്കേജ് പ്രകാരം കേന്ദ്ര സര്‍ക്കാര്‍ കേരളത്തിന് 267.35 കോടി രൂപയാണ് അനുവദിച്ചിരിക്കുന്നത്. ഇത് സംസ്ഥാനത്തിന്റെ ആരോഗ്യ ഇന്‍ഫ്രാസ്ട്രക്ചര്‍ ശക്തിപ്പെടുത്തുമെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി.

സംസ്ഥാനത്തിന് ആവശ്യമായ മരുന്ന് ശേഖരണത്തിനായി കേരളത്തിലെ ഓരോ ജില്ലയ്ക്കും ഒരു കോടി രൂപ ലഭ്യമാക്കുമെന്നും കേന്ദ്രം അറിയിച്ചു. കഴിഞ്ഞ മാസം ജൂലൈ 31നു ആണ് കേരളത്തിനു അടിയന്തര സഹായത്തിന്റെ ആദ്യ ഗഡു കേന്ദ്രം പ്രഖ്യാപിച്ചത്. 26 കോടി 8 ലക്ഷം രൂപയാണ് ആദ്യ ഗഡുവില്‍ സംസ്ഥാനത്തിന് ലഭിച്ചത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona