ഒടുവിൽ മൗനം വെടിയാൻ മുഖ്യൻ ! ബ്രഹ്മപുരം തീപിടിത്തത്തിൽ മുഖ്യമന്ത്രിയുടെ പ്രതികരണം നാളെ നിയമസഭയിൽ

തിരുവനന്തപുരം : മൗനമവസാനിപ്പിച്ചു കൊണ്ട് ഒടുവിൽ ബ്രഹ്മപുരം വിഷയത്തിൽ മുഖ്യമന്ത്രി പിണറായി വിജയൻ നിയമസഭയിൽ നാളെ ചട്ടം 300 അനുസരിച്ച് പ്രത്യേക പ്രസ്താവന നടത്തും. തീപിടിത്തം നടന്ന് 13 ദിവസങ്ങളായിട്ടും ഇതുവരെയും വിഷയത്തിൽ മുഖ്യമന്ത്രി പ്രതികരിച്ചിരുന്നില്ല. വിഷയത്തിൽ നിന്ന് മുഖ്യമന്ത്രി ഒളിച്ചോടുകയാണെന്നു പ്രതിപക്ഷം സഭയിലാരോപിച്ചിരുന്നു .

അതിനിടെ, തീപിടിത്തത്തിൽ വലിയ അളവിൽ വിഷപ്പുക അന്തരീക്ഷത്തിലെത്തിയ പശ്ചാത്തലത്തിൽ കൊച്ചിയിലെ ജനങ്ങളുടെയും മൃഗങ്ങളുടെയും രക്തത്തിലെ ഡയോക്സിന്റെ അളവ് പരിശോധിക്കണമെന്ന് ആവശ്യപ്പെട്ട് പ്രതിപക്ഷ നേതാവ് മുഖ്യമന്ത്രിക്ക് കത്തയച്ചിട്ടുണ്ട്. തീപിടിത്തത്തിന്റെ പശ്ചാത്തലത്തിൽ ഉന്നതതല യോഗം വിളിക്കണമെന്നും ലോകാരോഗ്യ സംഘടനയെ സ്ഥലം പരിശോധിക്കാൻ വിളിക്കണമെന്നും പ്രതിപക്ഷ നേതാവ് മുഖ്യമന്ത്രിക്ക് അയച്ച കത്തിൽ ആവശ്യമുന്നയിച്ചിട്ടുണ്ട്.