Tajikistan
തജിക്കിസ്ഥാനിൽ ചൈന പുതിയ സൈനികത്താവളം പണിയുന്നു.അഫ്ഗാനിസ്ഥാന്റെ വടക്കൻ അയൽരാജ്യമാണ് തജിക്കിസ്ഥാൻ . അഫ്ഗാൻ അതിർത്തിയോടു ചേർന്നുള്ള മേഖലയിലാണു സൈനികത്താവളത്തിന്റെ നിർമാണം.സുരക്ഷാ ഭീഷണികൾ അഫ്ഗാനിസ്ഥാനിൽ നിന്നു ഉയരുന്നുണ്ടെന്നും ഇതിനെതിരെയുള്ള പ്രതിരോധ നടപടികളുടെ ഭാഗമായാണു താവളത്തിന് അനുമതി നൽകിയതെന്നും തജിക് വൃത്തങ്ങൾ പറയുന്നു. ചൈനയും താലിബാന്റെ കാര്യത്തിൽ അത്ര ഉറപ്പ് പുലർത്തുന്നില്ലെന്നും അഫ്ഗാനിസ്ഥാൻ കേന്ദ്രീകരിച്ച് തങ്ങളുടെ ഉയിഗുർ മേഖലകളിലേക്കു പുതിയ പ്രക്ഷോഭങ്ങൾ പടരുന്നതിനു മുൻകൂറായി പ്രതിരോധം ഉയർത്തുകയാണു ചൈനയുടെ ലക്ഷ്യമെന്നും നയതന്ത്ര വിദഗ്ധർ പറയുന്നു.
ഇക്കഴിഞ്ഞ ബുധനാഴ്ചയാണ് തജിക്കിസ്ഥാന്റെ പാർലമെന്റ് പുതിയ സൈനികതാവളം സ്ഥാപിക്കാനുള്ള പദ്ധതിക്ക് അംഗീകാരം നൽകിയത് . അഫ്ഗാനിസ്ഥാനുമായി അതിർത്തി പങ്കിടുന്ന ഗോർണോ ബഡാക്ഷാൻ പ്രവിശ്യയിലെ വാഖോൻ എന്ന ഗ്രാമത്തിലാകും സൈനിക താവളം സ്ഥിതി ചെയ്യുക. തജിക്ക് സൈനികരും ഇവിടെ നിലയുറപ്പിക്കും.ചെലവുകളെല്ലാം ചൈന വഹിക്കും.സൈനിക താവളത്തിൻറെ നിർമാണത്തിന് ഒരു കോടി യുഎസ് ഡോളർ ചെലവു വരുമെന്നാണ് കണക്കാക്കുന്നത് .
താലിബാനെ എതിർക്കുന്ന രാജ്യമാണു തജിക്കിസ്ഥാൻ,എന്നാൽ ചൈന താലിബാന് സഹായവും ചെയ്ത രാജ്യവും. എന്നാൽ തജിക്കിസ്ഥാനും ചൈനയുമായി വലിയ അഭിപ്രായ വ്യത്യാസങ്ങളൊന്നുമില്ല , സൗഹൃദവഴിയിലാണ് ഇരുരാജ്യങ്ങളുടെയും പോക്ക്. 1992ൽ സോവിയറ്റ് വിഘടനത്തിനു ശേഷം തജിക്കിസ്ഥാൻ രൂപീകൃതമായതിനു തൊട്ടുപിന്നാലെ തന്നെ രാജ്യവുമായ ചൈന സുഹൃത്ബന്ധങ്ങൾ സ്ഥാപിച്ചിരുന്നു.നിലവിൽ തജിക്കിസ്ഥാന്റെ ഏറ്റവും വലിയ 3 വ്യാപാര പങ്കാളികളിൽ ഒരു രാജ്യം ചൈനയാണ്. ഒട്ടേറെ ചൈനീസ് വ്യാപാരസ്ഥാപനങ്ങൾ തജിക്കിസ്ഥാനിൽ പ്രവർത്തിക്കുന്നുമുണ്ട്.
ചൈനയുടെ അയൽരാജ്യം കൂടിയാണു തജിക്കിസ്ഥാൻ. 477 കിലോമീറ്ററോളം അതിർത്തി ഇരുരാജ്യങ്ങൾക്കുമിടയിലുണ്ട്. മിക്ക അയൽരാജ്യങ്ങളോടുമുള്ളതു പോലെ തന്നെ അതിർത്തിത്തർക്കം തജിക്കിസ്ഥാനുമായി ചൈന പുലർത്തിയിരുന്നെങ്കിലും 2011ൽ എല്ലാം ഒത്തുതീർപ്പിലെത്തി.
ഇതല്ലാതെ തന്നെ ചൈന തജിക്കിസ്ഥാനിലെ മുർഘാബ് മേഖലയിൽ ഒരു സൈനിക ബേസ് നിയന്ത്രിക്കുന്നുണ്ട്. അഞ്ച് വർഷമായി ഇത് പ്രവർത്തിക്കുന്നു. ആദ്യകാലത്ത് ചൈന ഇത്തരമൊരു ബേസ് ഇവിടുള്ളതായുള്ള റിപ്പോർട്ടുകൾ നിഷേധിച്ചിരുന്നെങ്കിലും പല രാജ്യാന്തര ഏജൻസികൾ നടത്തിയ അന്വേഷണങ്ങളിൽ ഇവിടെ ചൈനീസ് സൈനികർ നിലയുറപ്പിച്ചതിന്റെ തെളിവുകൾ വെളിയിൽ വന്നിരുന്നു.
ഏഷ്യൻ മേഖലയിലെ വൻശക്തികളായ ഇന്ത്യയ്ക്കും ചൈനയ്ക്കും സൈനികബേസുള്ള ഒരേയൊരു രാജ്യം നിലവിൽ തജിക്കിസ്ഥാനാണ്. അഫ്ഗാൻ അതിർത്തിയോട് ചേർന്ന് ഫാർഖോറിൽ ഇന്ത്യ വ്യോമത്താവളം നിയന്ത്രിക്കുന്നുണ്ട്. 2002ലായിരുന്നു ഇതിന്റെ നിർമാണം തുടങ്ങിയത്. അഫ്ഗാനിസ്ഥാനിൽ നിന്നുള്ള രക്ഷാപ്രവർത്തനത്തിന് വ്യോമസേന ഈ താവളം ഉപയോഗിച്ചിരുന്നു.
ദില്ലി : ഇലക്ഷന്‍ കമ്മീഷനെതിരെ (EC) പ്രതിപക്ഷം നടത്തിയ പ്രതിഷേധ പ്രകടനത്തിനിടെ ലോക്സഭാ പ്രതിപക്ഷ നേതാവ് രാഹുല്‍ ഗാന്ധി തന്നെ…
ദില്ലി : ചീഫ് ഇലക്ഷന്‍ കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് പ്രതിഷേധം ശക്തമാക്കുന്ന പ്രതിപക്ഷ നേതാവ് രാഹുല്‍ ഗാന്ധിക്കെതിരെ…
ദില്ലി : ലോകത്തിലെ ഏറ്റവും അപകടകരമായ രാജ്യങ്ങളുടെ പട്ടിക Numbeo-യുടെ 2026 ക്രൈം ഇന്‍ഡക്‌സ് (Crime Index) പുറത്തുവിട്ടു. കുറ്റകൃത്യങ്ങളുടെ…
ലഡാക്ക് ഇന്ത്യയുടെ അവിഭാജ്യ ഘടകമാണെന്നും ചൈന എത്ര നിഷേധിച്ചാലും യഥാര്‍ഥ വസ്തുതകളെ ഇല്ലാതാക്കാനാവില്ലെന്നും കേന്ദ്ര സര്‍ക്കാര്‍ വ്യക്തമാക്കി. ലഡാക്കിലെ 28…
നവരാത്രിയുടെ മൂന്നാം നാളില്‍ രാജ്യത്തിന് ആശംസകള്‍ നേര്‍ന്ന് പ്രധാനമന്ത്രി നരേന്ദ്ര മോദി. ഇത്തവണ നവരാത്രി ആശംസയോടൊപ്പം ഒരു മലയാള സിനിമയിലെ…
ദില്ലി പ്രതിഷേധം റിപ്പോര്‍ട്ട് ചെയ്യുകയായിരുന്ന മൂന്ന് മാസം ഗര്‍ഭിണിയായ മാധ്യമപ്രവര്‍ത്തകയെ കോണ്‍ഗ്രസ് നേതാവ് രാഹുല്‍ ഗാന്ധി കയ്യേറ്റം ചെയ്തതായി ബി.ജെ.പി…