‘കോൺഗ്രസ്സ് നേതൃത്വം കയ്യൊഴിഞ്ഞ രാഷ്ട്രത്തെ നിർമിക്കുന്ന രാഷ്ട്രീയത്തെ ‘ നെഞ്ചിലേറ്റുകയും , നിഷേധാത്മക രാഷ്ട്രീയത്തെ തള്ളിക്കളയുകയും ചെയ്യുന്ന യുവതയുടെ നിലപാട് വ്യക്തമാക്കുന്ന രാഷ്ട്രീയ തീരുമാനം’ – അനിൽ ആന്റണിയുടെ ബിജെപി പ്രവേശനത്തിൽ പ്രതികരണവുമായി ക്രിസ്തീയ പുരോഹിതൻ

അനിൽ ആന്റണിയുടെ ബിജെപി പ്രവേശനം സംസ്ഥാന രാഷ്ട്രീയതലത്തിലുമപരി ദേശീയ രാഷ്ട്രീയ തലത്തിൽ തന്നെ ഇനി ചർച്ചയ്ക്ക് വഴി തെളിക്കും എന്നത് ഉറപ്പായ കാര്യമാണ് . പ്രത്യേകിച്ചും അദ്ദേഹത്തിന്റെ പിതാവ് എ. കെ ആന്റണി കോൺഗ്രസ്സിലെ സമുന്നതനായ നേതാവായ സാഹചര്യത്തിൽ. ബിജെപിയിലേക്കുള്ള അദ്ദേഹത്തിന്റെ പ്രവേശനം തികച്ചും യാദൃശ്ചികമായിരുന്നില്ല എന്ന് വേണം കരുതാൻ. ബിബിസി വിഷയത്തിൽ പ്രധാനമന്ത്രിയെ പിന്തുണച്ചതിന്റെ പേരിൽ കോൺഗ്രസ്സുമായി തെറ്റിപിണങ്ങിയ ദിവസം മുതൽ അദ്ദേഹത്തിന്റെ ബിജെപി പ്രവേശന സാധ്യത രാഷ്ട്രീയ നിരീക്ഷകർ പ്രവചിച്ചതാണ്. ഇപ്പോൾ ഇക്കാര്യത്തിൽ പ്രതികരണവുമായി എത്തിയിരിക്കുകയാണ് ക്രിസ്തീയ പുരോഹിതൻ വർഗീസ് വള്ളിക്കാട്ട് . ഫേസ്ബുക് പോസ്റ്റിലൂടെയാണ് അദ്ദേഹം പ്രതികരണം അറിയിച്ചിരിക്കുന്നത് .

വർഗീസ് വള്ളിക്കാട്ടിന്റെ ഫേസ്ബുക് പോസ്റ്റ് വായിക്കാം

അനിൽ ആന്റണി ബി ജെ പി യിൽ ??

സാമ്പ്രദായിക രാഷ്ട്രീയക്കാരും വിവരസാങ്കേതിക വിദ്യയുടെ കാലത്തെ യുവതയും എങ്ങിനെ ചിന്തിക്കുന്നു , എങ്ങനെ രാഷ്ട്രീയത്തെ വിലയിരുത്തുന്നു എന്തുകൊണ്ടു വഴിപിരിയുന്നു … ???? കോൺഗ്രസ്സ് നേതൃത്വം കയ്യൊഴിഞ്ഞ രാഷ്ട്രത്തെ നിർമിക്കുന്ന രാഷ്ട്രീയത്തെ ‘ നെഞ്ചിലേറ്റുകയും , നിഷേധാത്മക രാഷ്ട്രീയത്തെ തള്ളിക്കളയുകയും ചെയ്യുന്ന യുവതയുടെ നിലപാട് വ്യക്തമാക്കുന്ന രാഷ്ട്രീയ തീരുമാനം .