ഒടുവിൽ മഞ്ഞുരുകി! സിഐടിയു ബസ് ഉടമ തർക്കത്തിന് പരിഹാരം; രാജ്മോഹന്റെ ബസുകൾ ഓടിത്തുടങ്ങി

കോട്ടയം:തിരുവാർപ്പിൽ സ്വകാര്യ ബസിന് മുന്നിൽ സി.ഐ.ടി.യു കൊടികുത്തിയ കേസിൽ തർക്കത്തിന് പരിഹാരമായതോടെ രാജ്മോഹന്റെ ബസുകൾ ഓടിത്തുടങ്ങി. സമാധാനപരമായി സർവീസ് മുന്നോട്ട് പോകുമെന്നാണ് പ്രതീക്ഷയെന്ന് രാജ്‌മോഹൻ പറഞ്ഞു. സമരം ചെയ്‌ത തൊഴിലാളികൾ തിങ്കളാഴ്ച മുതൽ ഡ്യൂട്ടിയിൽ പ്രവേശിക്കുമെന്നും അദ്ദേഹം വ്യക്തമാക്കി. ജില്ലാ ലേബർ ഓഫീസറുടെ നേതൃത്വത്തിൽ നടന്ന മൂന്നാംഘട്ട ചർച്ചയിലാണ് പ്രശ്നം ഒത്തുതീർപ്പായത്.

കഴിഞ്ഞ ശനിയാഴ്ചയാണ് തൊഴിൽതർക്കത്തെ തുടർന്ന് തിരുവാർപ്പ്- കോട്ടയം റൂട്ടിൽ സർവീസ് നടത്തുന്ന വെട്ടിക്കുളങ്ങര ബസിൽ സി.ഐ,​ടി,​യു കൊടികുത്തിയത്. തുടർന്ന് ബസുടമയും വിമുക്തഭടനുമായ രാജ്മോഹൻ ബസിന് മുന്നിൽ ലോട്ടറി വില്പന ആരംഭിച്ചു. ഹൈക്കോടതിയെ സമീപിച്ച രാജ് മോഹൻ പൊലീസ് സംരക്ഷണത്തോടെ സർവീസ് നടത്താൻ ഉത്തരവ് നേടിയിരുന്നു,​