ജുനഗഢിൽ ദർഗ പൊളിക്കുന്നതുമായി ബന്ധപ്പെട്ട് സംഘർഷം; ഡെപ്യൂട്ടി പോലീസ് സൂപ്രണ്ട് ഉൾപ്പെടെ മൂന്ന് പോലീസുകാർക്ക് പരിക്ക്

ഗുജറാത്ത് :ജുനഗഡ് ജില്ലയിൽ അനധികൃതമായി നിർമ്മിച്ച ദർഗ പൊളിക്കുന്നതുമയി ബന്ധപ്പെട്ട് സംഘർഷം ഡെപ്യൂട്ടി പോലീസ് സൂപ്രണ്ട് ഉൾപ്പെടെ മൂന്ന് പോലീസുകാർക്ക് പരിക്ക്.ദർഗ പൊളിക്കുന്നതിന് എത്തിയ ഉദ്യോഗസ്ഥർ നോട്ടീസ് നൽകിയതിനെ തുടർന്നാണ് സംഘർഷം ഉണ്ടായത്.വെള്ളിയാഴ്ച വൈകുന്നേരം 200-300 ഓളം ആളുകൾ ദർഗയ്ക്ക് ചുറ്റും തടിച്ചുകൂടുകയും പോലീസ് ഉദ്യോഗസ്ഥർക്ക് നേരെ കല്ലെറിയുകയും പോലീസ് പോസ്റ്റ് തകർക്കുകയും പോലീസ് വാഹനങ്ങൾക്ക് തീയിടുകയുമായിരുന്നു.

ജുനാഗഡ് മുനിസിപ്പൽ കോർപ്പറേഷൻ ഉദ്യോഗസ്ഥർ മജെവാഡി ഗേറ്റിന് മുന്നിൽ എത്തി പൊളിക്കുന്നതിനുള്ള നോട്ടീസ് ദർഗയ്ക്ക് പുറത്ത് പതിപ്പിക്കുകയായിരുന്നു.ദർഗ “നിയമവിരുദ്ധമായി” നിർമ്മിച്ചതാണെന്ന് പൗരസമിതിയുടെ നോട്ടീസിൽ പറയുന്നു.നിയമപരമായ രീതിയിലാണ് ദർഗ നിർമ്മിച്ചതെന്നതിന് തെളിവ് ഹാജരാക്കാൻ അഞ്ച് ദിവസത്തിനകം സമയപരിധി നൽകി, അല്ലാത്തപക്ഷം പൊളിക്കുമെന്നും അതിന്റെ ചെലവ് മാനേജ്‌മെന്റ് വഹിക്കണമെന്നും ഉദ്യോഗസ്ഥർ അറിയിച്ചു.