ഉത്രാളിക്കാവ് പൂരം വെടിക്കെട്ടിന് കോടതി അനുമതി

തൃശ്ശൂർ :മധ്യകേരളത്തിലെ പ്രശസ്തമായ വേല ഉത്സവങ്ങളിൽ ഏറ്റവും പ്രധാനപ്പെട്ട വടക്കാഞ്ചേരി ഉത്രാളിക്കാവ് പൂരത്തിന്റെ ഭാഗമായി നടത്തുന്ന വെടിക്കെട്ടിന് അനുമതി ലഭിച്ചു . വടക്കാഞ്ചേരി എങ്കക്കാട് ദേശം ഭാരവാഹികൾ നൽകിയ അപേക്ഷയിലാണ് തൃശ്ശൂർ ജില്ലാ അഡീഷണൽ മജിസ്‌ട്രേറ്റ് റെജി പി ജോസഫിന്റേതാണ് ഉത്തരവ്.

പൂരം നടക്കുന്ന നാളെ രാത്രി ഏഴിനും പത്തിനും ഇടയിലുള്ള സമയത്താണ് വെടിക്കെട്ട് നടത്താൻ അനുമതി ലഭിച്ചത്. ആവശ്യമായ സുരക്ഷാക്രമീകരണങ്ങൾ ഒരുക്കാൻ പോലീസിന് കോടതി നിർദേശം നൽകി. നേരത്തെ ഉത്രാളിക്കാവിലെ സാമ്പിൾ വെടിക്കെട്ടിനും പറയെഴുന്നള്ളിപ്പിനും അനുമതി ലഭിച്ചിരുന്നു.

സുരക്ഷ ഉറപ്പാക്കിയ ശേഷം മാത്രമാകും വെടിക്കെട്ട് നടത്തുക എന്ന ആഘോഷ കമ്മിറ്റി ഭാരവാഹികൾ നൽകിയ ഉറപ്പിന്മേലാണ് കോടതി അനുമതി നൽകിയത്.