റസ്റ്റ് ഓഫ് ഇന്ത്യയിലും ജലജ് സക്സേനയ്ക്ക് അവഗണന!മയാങ്ക് അഗർവാൾ ടീമിനെ നയിക്കും

മുംബൈ : രഞ്ജി ട്രോഫിയിൽ കേരളത്തിനായി മികച്ച ആൾ റൗണ്ട് പ്രകടനം നടത്തിയിട്ടും ഇറാനി കപ്പിനുള്ള റസ്റ്റ് ഓഫ് ഇന്ത്യ ടീമിൽ നിന്ന് ജലജ് സക്സേനയെ അവഗണിച്ചു.വിരലിനു പരിക്കേറ്റതിനാൽ മുംബൈയുടെ സർഫറാസ് ഖാനും ടീമിൽ ഇടം ലഭിച്ചില്ല. കർണാടകയുടെ താരം മയാങ്ക് അഗർവാൾ ടീമിനെ നയിക്കും. രഞ്ജി ട്രോഫിയിൽ കർണാടകയെ സെമി ഫൈനല്‍ വരെയെത്തിച്ച ക്യാപ്റ്റനാണ് മയാങ്ക്.

തമിഴ്നാട് ബാറ്റർ ബാബ ഇന്ദ്രജിത് ടീമിലെത്തി. . ഗ്വാളിയോറിലെ ക്യാപ്റ്റൻ രൂപ് സിങ് സ്റ്റേഡിയത്തിൽ ബുധനാഴ്ചയാണ് മധ്യപ്രദേശിനെതിരായ പോരാട്ടം. 2021–22 വർഷത്തെ രഞ്ജി ട്രോഫി ചാംപ്യൻമാരാണു മധ്യപ്രദേശ്.