രാജ്യത്ത് 18,132 പേർക്ക് കൂടി കോവിഡ്; തുടർച്ചയായ മൂന്നാം ദിവസവും ഇരുപത്തിനായിരത്തിൽ താഴെ രോഗികൾ; പകുതിയിലധികം രോഗികളും കേരളത്തിൽ തന്നെ

ദില്ലി: രാജ്യത്ത് തുടർച്ചയായ മൂന്നാം ദിവസവും ഇരുപത്തിനായിരത്തിൽ താഴെ രോഗികൾ (Covid Updates In India). കഴിഞ്ഞ 24 മണിക്കൂറിനിടെ 18,132 പേർക്ക് കൂടി കോവിഡ് സ്ഥിരീകരിച്ചു. ഇതോടെ ആകെ രോഗികളുടെ എണ്ണം 3,39,71,607 ആയി ഉയർന്നതായി കേന്ദ്ര ആരോഗ്യമന്ത്രാലയം അറിയിച്ചു. കഴിഞ്ഞ 24 മണിക്കൂറിനിടെ രോഗം ബാധിച്ച 21,563 പേരുടെ പരിശോധനാ ഫലം നെഗറ്റീവ് ആയതോടെ ആകെ രോഗമുക്തരുടെ എണ്ണം 3,32,93,478 ആയി ഉയർന്നു.

നിലവിൽ 2,27,347 പേരാണ് രാജ്യത്ത് ചികിത്സയിൽ കഴിയുന്നത്. ഇതിൽ 1,11,081 പേർ കേരളത്തിലാണ് ചികിത്സയിൽ ഉള്ളത്. കഴിഞ്ഞ 24 മണിക്കൂറിനിടെ 193 മരണം സ്ഥിരീകരിച്ചു. ഇതോടെ ആകെ മരണം 4,50,782 ആയി ഉയർന്നു. വാക്‌സിനേഷൻ ആരംഭിച്ചതിന് പിന്നാലെ ഇതുവരെ 95.19 കോടി വാക്‌സിൻ ഡോസുകൾ നൽകി. കൊറോണ വ്യാപനം ആരംഭിച്ചതു മുതൽ കഴിഞ്ഞ ദിവസം വരെ 58.36 കോടി സാമ്പിളുകളാണ് പരിശോധിച്ചത്.

അതേസമയം രാജ്യത്ത് കഴിഞ്ഞ 24 മണിക്കൂറിനിടെ രോഗം സ്ഥിരീകരിച്ചവരിൽ 10,691 പേർ കേരളത്തിലാണ്. എറണാകുളം 1639, തൃശൂര്‍ 1378, തിരുവനന്തപുരം 1197, കോഴിക്കോട് 976, കോട്ടയം 872, കൊല്ലം 739, മലപ്പുറം 687, കണ്ണൂര്‍ 602, പത്തനംതിട്ട 584, പാലക്കാട് 575, ഇടുക്കി 558, ആലപ്പുഴ 466, വയനാട് 263, കാസര്‍ഗോഡ് 155 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. സംസ്ഥാനത്തെ വിവിധ ജില്ലകളിലായി 3,61,495 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 3,48,743 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 12,752 പേര്‍ ആശുപത്രികളിലും നിരീക്ഷണത്തിലാണ്. 799 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്. നിലവില്‍ 1,11,083 കോവിഡ് കേസുകളില്‍, 10.1 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.