ബംഗാളില്‍ കോണ്‍ഗ്രസും സിപിഎമ്മും തമ്മില്‍ സീറ്റ് ധാരണയ്ക്ക് കളമൊരുങ്ങുന്നു. ഇരുപാര്‍ട്ടികളും സിറ്റിങ് സീറ്റുകളിലും ശക്തി കേന്ദ്രങ്ങളിലും പരസ്പരം മല്‍സരിക്കില്ല. നാളെ ഡല്‍ഹിയില്‍ ചേരുന്ന സിപിഎം പൊളിറ്റ് ബ്യൂറോ യോഗത്തില്‍ സീറ്റ് ധാരണയുടെ കാര്യത്തില്‍ അന്തിമ തീരുമാനമുണ്ടാകും. കോണ്‍ഗ്രസ് അധ്യക്ഷന് രാഹുല്‍ ഗാന്ധിയും ബംഗാളിലെ ഒരുവിഭാഗം കോണ്‍ഗ്രസ് നേതാക്കളും ധാരണയെ പിന്തുണയ്ക്കുമ്പോള്‍ ബംഗാള്‍ കോണ്‍ഗ്രസ് അധ്യക്ഷന് അനുകൂല നിലപാടല്ല ഉള്ളത്.
മമത ബാനര്‍ജിയും മോദിയും തമ്മിലുള്ള ഏറ്റുമുട്ടലായി ബംഗാള്‍ രാഷ്ട്രീയം തിളച്ചുമറിയുമ്പോള്‍ പിടിച്ചുനില്‍ക്കാന്‍ ധാരണയെന്ന അടവാണ് കോണ്‍ഗ്രസിന്‍റെയും സിപിഎമ്മിന്‍റെയും മനസിലുള്ളത്. ബംഗാളില്‍ ബിജെപി പ്രതിപക്ഷ നേതൃപദവിയിലേയ്ക്ക് ഉയരുന്നതിലെ അപായം ഇരുപാര്‍ട്ടികളും തിരിച്ചറിയുന്നു. ത്രിണമൂല്‍ കോണ്‍ഗ്രസിനൊപ്പം നിന്നാല്‍ ന്യൂനപക്ഷ വോട്ടുകള്‍ മുഴുവനായി മമതയുടെ കൈപ്പിടിയിലാകുമെന്ന ആശങ്ക കോണ്‍ഗ്രസിനുണ്ട്. ത്രിപുര കൈവിട്ട സാഹചര്യത്തില്‍ ബംഗാളില്‍ അടവ് പയറ്റിയില്ലെങ്കില്‍ കേരളത്തില്‍ മാത്രമായി ഒതുങ്ങിപ്പോകുമെന്ന് സിപിഎം വിലയിരുത്തുന്നു.
കോണ്‍ഗ്രസ് സഹകരണത്തിനായി ബംഗാള്‍ സിപിഎം മുറവിളി കൂട്ടാന്‍ തുടങ്ങിയിട്ട് നാളേറെയായി. കോണ്‍ഗ്രസ് സഹകരണത്തെ തുറന്നെതിര്‍ത്തിരുന്ന കാരാട്ട് പക്ഷം നിലപാട് മയപ്പെടുത്തുകയും ചെയ്തു. കോണ്‍ഗ്ര് അധ്യക്ഷന് രാഹുല്‍ ഗാന്ധിയും സിപിഎം ജനറല്‍ സെക്രട്ടറി സീതാറാം യച്ചൂരിയും ബംഗാളിലെ രാഷ്ട്രീയ സാഹചര്യം കഴിഞ്ഞ ദിവസം ചര്‍ച്ചചെയ്തു. ഇതോടെ കാര്യങ്ങള്‍ക്ക് വേഗമേറി. കോണ്‍ഗ്രസ് ബംഗാള്‍ അധ്യക്ഷന് സോമേന്ദ്രനാഥ് മിത്ര സിപിഎമ്മുമായുള്ള കൂട്ടുകൂടലിന് എതിരാണ്.
ഭാരതം കുതിപ്പിൽ മുന്നോട്ട് !തിരിച്ചടി ഇറാഖിനും സൗദിക്കും
പ്രധാനമന്ത്രി നരേന്ദ്രമോദിയുടെ ജീവിതം ആസ്പദമാക്കി വീണ്ടും ഒരു സിനിമ കൂടി അണിയറയിൽ ഒരുങ്ങുന്നതായി റിപ്പോർട്ട്. തെന്നിന്ത്യൻ താരം സത്യരാജാണ് മോദിയായി…
കോഴിക്കോട്: ഇടത് സഹയാത്രികയും അദ്ധ്യാപികയുമായ ദീപ നിശാന്ത് ആർ.എസ്.എസിന്റെ ഗണഗീതത്തിലെ വരികൾ ഫേസ്ബുക്ക് പോസ്റ്റിനോടൊപ്പം ഉൾപ്പെടുത്തിയതിൽ വിവാദം ഒഴിയുന്നില്ല. ഇടതു…
ആദിലാബാദ് : ആദ്യഭാര്യയെ വാട്സാപ്പ് വോയ്സ് മെസേജ് വഴി മുത്തലാഖ് ചൊല്ലിയ യുവാവ് അറസ്റ്റിൽ. തെലങ്കാന ആദിലാബാദ് സ്വദേശി കെ.ആർ.കെ…