മലപ്പുറത്ത് ഏഴുവയസുകാരനെ തട്ടിക്കൊണ്ടുപോയി; അയൽവാസിയായ 19കാരൻ അറസ്റ്റിൽ

മലപ്പുറം: മലപ്പുറത്ത് ഏഴു വയസുകാരനെ തട്ടിക്കൊണ്ടുപോയ സംഭവത്തിൽ അയൽവാസിയായ പത്തൊമ്പതുകാരൻ അറസ്റ്റിൽ. മലപ്പുറം വളാഞ്ചേരിയില്‍ നിന്ന് ഏഴു വയസ്സുകാരനെ കാണാതാവുകയായിരുന്നു. തുടർന്ന് കുട്ടിയെ കൊടുങ്ങല്ലൂരിൽ നിന്ന് കണ്ടെത്തുകയുമായിരുന്നു. സംഭവവുമായി ബന്ധപ്പെട്ട് പ്രതിയെ പോലീസ് അറസ്റ്റ് ചെയ്തു. അയല്‍വാസിയായ പത്തൊമ്പതുകാരന്‍ ഷിനാസിനെയാണ് പോലീസ് അറസ്റ്റ് ചെയ്തത്.

തിങ്കളാഴ്ച രാത്രി ഒമ്പത് മണിയോടെയാണ് ഷിനാസ് അയൽവീട്ടിലെ കുട്ടിയെ തട്ടിക്കൊണ്ടു പോയത്. കുട്ടിയുടെ അച്ഛനമ്മമാരോടുള്ള വൈരാഗ്യമാണ് തട്ടിക്കൊണ്ടു പോകാനുള്ള കാരണമെന്നാണ് പോലീസ് പറയുന്നത്. ഫ്ളാറ്റിനുള്ളില്‍ കളിച്ചുകൊണ്ടിരുന്ന കുട്ടിയെ പെട്ടന്ന് കാണാതാവുകയായിരുന്നു തുടർന്ന് പോലീസിന് പരാതി നല്‍കി.

അപ്പാര്‍ട്ട്‌മെന്റിലെ താമസക്കാരുടെ മൊഴികളുടെ അടിസ്ഥാനത്തിൽ പോലീസ് അന്വേഷണം നടത്തുകയും പ്രതിയെ പിടികൂടുകയുമായിരുന്നു.