മാവേലിക്കര: ദേവസ്വം ബോര്ഡില് ഉള്പ്പെടെ സര്ക്കാര് സ്ഥാപനങ്ങളില് ജോലി വാഗ്ദാനം ചെയ്തു കോടികള് കബളിപ്പിച്ച സംഭവത്തില് അമ്മയും മകനും ഉള്പ്പെടെ മൂന്ന് പേര് കൂടി അറസ്റ്റില്. ഇതോടെ അറസ്റ്റിലായവരുടെ എണ്ണം 13 ആയി. ചെട്ടികുളങ്ങര ഈരേഴ തെക്ക് അയ്യപ്പഭവനം കെ ജെ സിനി ( 47), മകന് അനന്തകൃഷ്ണന് ( 23), കരുനാഗപ്പള്ളി കൊല്ലക വടക്കുംതല മൂന്ന് സെന്റ് കോളനി രുദ്രാക്ഷ് (27) എന്നിവരെയാണ് അന്വേഷണ സംഘം ഇന്നലെ പിടികൂടിയത്. അനന്തകൃഷ്ണന് ജോലിക്ക് വേണ്ടി സിനി പലപ്പോഴായി മൂന്നര ലക്ഷം രൂപ കേസിലെ മുഖ്യപ്രതി വി വിനീഷ് രാജിന് നല്കിയിരുന്നു.
വിനീഷ് നല്കിയ വ്യാജ നിയമന ഉത്തരവ് കാട്ടി മറ്റ് പലരെയും ജോലി ലഭിക്കുമെന്നു സിനി വിശ്വസിപ്പിച്ചു. ഇപ്രകാരം 20 പേരില് നിന്നായി ലക്ഷക്കണക്കിനു രൂപ അമ്മയും മകനും പിരിച്ചെടുത്ത് വിനീഷിനു കൈമാറി കമ്മിഷന് കൈപ്പറ്റിയതായി അന്വേഷണ ഉദ്യോഗസ്ഥര് വെളിപ്പെടുത്തി.
കൊല്ലം സ്വദേശി വിഷ്ണു നല്കിയ പരാതിയില് പേര് പരാമര്ശിക്കപ്പെട്ട ആളാണു രുദ്രാക്ഷ്. തട്ടിപ്പിന്റെ മുഖ്യ ഏജന്റ് കൊല്ലം സ്വദേശി ഫെബിന് ചാള്സ്, മുഖ്യപ്രതി വിനീഷ് രാജ് എന്നിവരെ പരിചയപ്പെടുത്തിയത് രുദ്രാക്ഷ് ആണെന്നു വിഷ്ണു മൊഴി നല്കിയിരുന്നു.
ഇതെത്തുടര്ന്നാണ് രുദ്രാക്ഷിനെ അറസ്റ്റ് ചെയ്തത്. ആറ് പേരില് നിന്നായി 75 ലക്ഷം രൂപ രുദ്രാക്ഷ് കബളിപ്പിച്ചതായി പൊലീസ് പറഞ്ഞു. ജോലി തട്ടിപ്പുമായി ബന്ധപ്പെട്ട് റജിസ്റ്റര് ചെയ്ത 52 കേസുകളിലായി മൊത്തം നാലരക്കോടി രൂപയുടെ തട്ടിപ്പാണു ഇതുവരെ പുറത്തു വന്നത്.
യൂറോപ്യന് രാജ്യങ്ങളിലേയ്ക്കുള്ള യാത്രകള്ക്ക് ചെലവേറും. ഹ്രസ്വകാല സന്ദര്ശനത്തിനുള്ള ഷെങ്കന് വീസ ഫീസില് വര്ദ്ധനവു വരുത്താന് തീരുമാനിച്ചു. 12ശതമാനത്തോളം വര്ദ്ധനവായിരിക്കും ഫീസ്…
പത്തനംതിട്ട: അന്തരിച്ച ബിലീവേഴ്സ് ഈസ്റ്റേൺ ചർച്ച് അത്തനേഷ്യസ് യോഹാൻ മെത്രാപ്പൊലീത്തയുടെ മൃതദേഹം സംസ്കരിച്ചു. തിരുവല്ല സെന്റ് തോമസ് ഈസ്റ്റേൺ ചർച്ച്…
ബിജെപി അദ്ധ്യക്ഷന് കെ സുരേന്ദ്രന് ഉള്പ്പടെ ആരോപണ വിധേയരായ കൊടകര കുഴല്പണകേസില് ഇടപെടാനുള്ള ആം ആദ്മി പാര്ട്ടിയുടെ ശ്രമങ്ങള് പാഴായി
അടുത്ത സുഹൃത്തുക്കള് ഇനി ശത്രുക്കളോ? ആം ആദ്മി നേതാക്കൾക്ക് താക്കീതുമായി സ്വാതി മലിവാൾ | swati maliwal