കൊച്ചി: കരിപ്പൂര് സ്വര്ണ്ണക്കടത്ത് കേസില് പൊലീസ് അന്വേഷിക്കുന്ന അര്ജുന് ആയങ്കി 12 തവണ സ്വര്ണം കടത്തിയെന്ന് കസ്റ്റംസ്. സ്വര്ണ്ണക്കടത്തില് ടിപി ചന്ദ്രശേഖരന് വധക്കേസ് പ്രതി കൊടി സുനിക്കും പങ്കുണ്ടോയെന്ന് അന്വേഷിക്കും. ഇയാള് ജയിലിലിരുന്ന് കള്ളക്കടത്തിനും സ്വര്ണ്ണ അപഹരണത്തിനും ചുക്കാന് പിടിച്ചതായാണ് അന്വേഷണസംഘത്തിന് ലഭിച്ചിരിക്കുന്ന വിവരം. കൊടി സുനിയുടെ സംഘം ഇയാള്ക്ക് സംരക്ഷണം കൊടുത്തെന്നും റിപ്പോര്ട്ടുകളുണ്ട്.
അതേസമയം അര്ജുന് ആയങ്കി സ്വര്ണ്ണക്കടത്തിലേക്ക് എത്തിയത് കള്ളക്കടത്ത് സ്വര്ണ്ണം തട്ടിയെടുത്താണ്. അതിന് ശേഷമാണ് വിദേശത്ത് നിന്ന് സ്വര്ണ്ണം എത്തിക്കാന് തുടങ്ങിയത്. ഇത്തരം സംഘങ്ങള്ക്ക് പൊട്ടിക്കല് സംഘങ്ങള് എന്നാണ് വിളിപ്പേരെന്നും വിവരം. അര്ജുന് ആയങ്കി സ്വര്ണം വാങ്ങാന് നല്കിയ പണത്തില് കൊടി സുനിക്കും പങ്കുണ്ടോ എന്നും അന്വേഷിക്കുന്നുണ്ട്. സ്വര്ണക്കടത്ത് സംഘങ്ങള്, എസ്കോര്ട്ട് സംഘങ്ങള്, തട്ടിയെടുക്കുന്ന സംഘങ്ങള് എന്നിങ്ങനെ മൂന്ന് തരത്തിലുള്ള സംഘങ്ങളാണ് ഈ രംഗത്തുള്ളത്. ഇതിനെക്കുറിച്ചും കൂടുതൽ അന്വേഷിക്കുമെന്നും കസ്റ്റംസ് വ്യക്തമാക്കി.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
