ചോദ്യം ചെയ്യാൻ വിളിപ്പിച്ച ശേഷം പൊലീസ് കസ്റ്റഡിയിലെടുക്കുകയായിരുന്നു. തുടർന്ന് രാഹുൽ ഈശ്വറെ ക്യാമ്പിലേക്ക് കൊണ്ടുപോയി. സൈബർ പോലീസ് ആണ് രാഹുൽ ഈശ്വറെ ചോദ്യം ചെയ്യാൻ വിളിപ്പിച്ചത്. പരാതിക്കാരി നൽകി പരാതിയിലാണ് ഹാജരാകാൻ ആവശ്യപ്പെട്ടത്.
തിരുവനന്തപുരം: രാഹുൽ മാങ്കൂട്ടത്തിൽ എംഎൽഎക്കെതിരെ ലൈംഗിക പീഡന പരാതി നൽകിയ യുവതിയുടെ സൈബർ അധിക്ഷേപ പരാതിയിൽ രാഹുൽ ഈശ്വറെ കസ്റ്റഡിയിലെടുത്ത് സൈബർ പോലീസ്. പൗഡിക്കോണത്തെ രാഹുൽ ഈശ്വറിന്റെ വീട്ടിലെത്തിയ പോലീസ് സംഘം ചോദ്യം ചെയ്യലിന് ഹാജരാകുവാൻ വിളിപ്പിച്ച ശേഷം പോലീസ് കസ്റ്റഡിയിലെടുക്കുകയായിരുന്നു. തുടർന്ന് രാഹുൽ ഈശ്വറെ എആർ ക്യാമ്പിലേക്ക് കൊണ്ടുപോയി. രാഹുൽ ഈശ്വറും സന്ദീപ് വാര്യറും ഉൾപ്പെടെ 4 പേരുടെ യുആർഎൽ ആണ് പരാതിക്കാരി സമർപ്പിച്ചത്. ഇത് പരിശോധിച്ചതിന് ശേഷമാണ് പൊലീസ് തുടർനടപടികളിലേക്ക് കടന്നത്.
രാഹുല് മാങ്കൂട്ടത്തിലിനെതിരായ ലൈംഗിക പീഡനക്കേസിന്റെ അന്വേഷണത്തിന്റെ ഭാഗമായി രാഹുലിന്റെ പാലക്കാട്ടെ ഫ്ളാറ്റില് അന്വേഷണ സംഘം പരിശോധന നടത്തിയിരുന്നു. ഈ ഫ്ളാറ്റിലെത്തിച്ചും രാഹുല് പീഡിപ്പിച്ചുവെന്ന് പരാതിക്കാരിയുടെ മൊഴിയിലുണ്ട്. ഇതിന്റെ അടിസ്ഥാനത്തിലാണ് സിസിടിവി ദൃശ്യങ്ങള് ശേഖരിക്കാന് പോലീസ് എത്തിയത്. എന്നാല്, സിസിടിവി യൂണിറ്റിലെ ബാക്ക് അപ്പ് ശേഷി കുറവായതിനാൽ പോലീസിന് സിസിടിവി ദൃശ്യങ്ങളൊന്നും ലഭിച്ചില്ല എന്നാണ് വിവരം. ഇന്ന് രാവിലെ ആരംഭിച്ച പരിശോധന ഉച്ചയ്ക്ക് ശേഷവും തുടര്ന്നു. രാഹുലിന്റെ രണ്ട് കാറുകളും ഫ്ളാറ്റില് തന്നെയുണ്ടായിരുന്നു. പാലക്കാട്ടെ എന്നാല്, യുവതി പരാതിയില് പറയുന്ന കാലയളവിലെ ദൃശ്യങ്ങള് ഇവിടെ ലഭ്യമല്ല. ഒരുപക്ഷേ ദൃശ്യങ്ങളടങ്ങിയ ഹാര്ഡ് ഡിസ്ക് കസ്റ്റഡിയിലെടുത്ത് ഫോറന്സിക് പരിശോധനയ്ക്ക് ശേഷം അവ ബാക്കപ്പ് ചെയ്തെടുക്കാനുള്ള ശ്രമം പോലീസ് നടത്തിയേക്കാം. ഫ്ളാറ്റിന് സമീപത്തെ സിസിടിവികളിലെ ദൃശ്യങ്ങളും പരിശോധിച്ചേക്കും.
