ഷവര്‍മ്മ പോലുള്ള ഭക്ഷണങ്ങൾ പാഴ്സൽ കൊടുക്കുന്നത് നിർത്തണം ; നിയമനടപടികൾ വൈകുന്നത് ഭക്ഷ്യവിഷബാധ ആവര്‍ത്തിക്കാൻ കരണമാകുന്നു, മന്ത്രി ജി ആര്‍ അനിൽ

തിരുവനന്തപുരം: ഭക്ഷ്യവിഷബാധയെ തുടർന്ന് പെൺകുട്ടി മരിക്കാനിടയായ സാഹചര്യത്തിൽ ഭക്ഷ്യവിഷബാധ തടയാൻ നിര്‍ദ്ദേശവുമായി ഭക്ഷ്യ-സിവിൽ സപ്ലൈസ് വകുപ്പ് മന്ത്രി ജി ആര്‍ അനിൽ. ഹോട്ടലുകളിൽ നിന്ന് ഷവര്‍മ പോലുള്ള ഭക്ഷണ സാധനങ്ങള്‍ പാഴ്സൽ കൊടുക്കുന്നത് നിർത്തണമെന്ന് അദ്ദേഹം ആവശ്യപ്പെട്ടു.. പകരം ഹോട്ടലിൽ വച്ച് തന്നെ ഭക്ഷണം കഴിക്കുന്നത് നിര്‍ബന്ധമാക്കണമെന്നാണ് അദ്ദേഹം പറഞ്ഞത്.

നിയമനടപടികൾ വൈകുന്നത് ഭക്ഷ്യവിഷബാധ ആവര്‍ത്തിക്കാൻ കരണമാകുന്നുണ്ടെന്നും മന്ത്രി പറഞ്ഞു.
കാസർകോട് ഭക്ഷ്യവിഷബാധ മരണത്തെ തുടർന്ന് സംസ്ഥാനവ്യാപക പരിശോധനകൾ നടക്കുകയാണ്.
അഞ്ജുശ്രീ പാര്‍വ്വതി എന്ന 19 വയസുകാരി ഭക്ഷ്യവിഷബാധയെ തുടർന്ന് ഇന്നലെയാണ് മരിച്ചത്.