”ജാതിയില്ലെന്നത് പ്രസംഗത്തിൽ മാത്രം”; താഴ്ന്ന  ജാതിക്കാരനെ പ്രണയിച്ച്  വിവാഹം കഴിച്ച   മകളെ  കൊല്ലുമെന്ന്  മന്ത്രിയുടെ ഭീക്ഷണി; പൊലീസില്‍ അഭയം തേടി മന്ത്രിപുത്രി

ബെംഗളൂരു: താഴ്ന്ന ജാതിയില്‍പ്പെട്ട യുവാവിനെ പ്രണയിച്ച്‌ വിവാഹം കഴിച്ചതിന്റെ പേരില്‍ ജീവന്‍ അപടകത്തിലാണെന്ന പരാതിയുമായി തമിഴ്‌നാട് (Tamil Nadu) ദേവസ്വം മന്ത്രിയും ഡിഎംകെയിലെ മുതിര്‍ന്ന നേതാവുമായ പി കെ ശേഖര്‍ ബാബുവിന്റെ മകള്‍ എസ് ജയകല്യാണി. തനിക്കും ഭർത്താവിനും മന്ത്രിയായ അച്ഛനിൽനിന്ന് ഭീഷണിയുണ്ടെന്നാരോപിച്ച് ജയകല്യാണി സിറ്റി പോലീസ് കമ്മിഷണർ കമൽ പന്തിന് പരാതി നൽകി.

ഡിഎംകെ പ്രവര്‍ത്തകര്‍ തന്നെയും ഭര്‍ത്താവിനെയും മര്‍ദ്ദിച്ചുവെന്നും യുവതി പരാതിപ്പെട്ടു.
പി കെ ശേഖര്‍ബാബുവിന്‍റ തന്നെ ഡ്രൈവറായിരുന്ന സതീഷ് കുമാറുമായി കഴിഞ്ഞ ദിവസമായിരുന്നു വിവാഹം. കർണാടകത്തിലെ ഒരു ഹിന്ദു സംഘടനയുടെ സഹായത്തോടെയാണ് കഴിഞ്ഞദിവസം ഇവർ വിവാഹിതരായത്. വീട്ടുകാരുടെ എതിര്‍പ്പ് മറികടന്നാണ് ഇരുവരും രജിസ്റ്റര്‍ വിവാഹം ചെയ്തത്.

24കാരിയായ ജയകല്യാണിയും 27കാരനായ സതീഷ് കുമാറും ഏതാനും ദിവസങ്ങൾക്ക് മുമ്പാണ് വിവാഹിതരായത്. ബെംഗളൂരുവിലെ ഒരു ഹിന്ദു സംഘടനയുടെ നേതൃത്വത്തിൽ ഹൈന്ദവ ആചരത്തോടു കൂടിയാണ് ഇരവരുടെ വിവാഹം നടന്നതെന്ന് സമൂഹിക പ്രവർത്തകനായ ഭരത് ഷെട്ടി പറഞ്ഞു.

അതേസമയം പിന്നോക്ക വിഭാഗക്കാര്‍ക്ക് പ്രവേശനം നിഷേധിച്ച ക്ഷേത്രഭരണസമിതികള്‍ക്ക് എതിരെ കര്‍ശന നടപടിയെടുത്ത മന്ത്രിയാണ് ശേഖര്‍ ബാബു. ജാതിയുടെ പേരില്‍ പ്രവേശനം തടഞ്ഞ യുവതിക്കൊപ്പമിരുന്ന് മന്ത്രി ഭക്ഷണം കഴിക്കുന്ന ചിത്രങ്ങള്‍ നേരത്തെ വലിയ ചർച്ചയായിരിന്നു.