സത്യം പറഞ്ഞതിന് ശിക്ഷിക്കരുത്!!! ശർമിഷ്ഠയ്ക്ക് പിന്തുണയേറുന്നു !വർഗീയ പരാമർശം നടത്തിയെന്നാരോപിച്ച് മമതാ സർക്കാർ അറസ്റ്റ് ചെയ്ത ശർമിഷ്ഠ പനോളിക്ക് പിന്തുണ പ്രഖ്യാപിച്ച് ഡച്ച് പാർലമെന്റ് അംഗം ഗീർത്ത് വിൽഡേഴ്‌സ്

ആംസ്റ്റർഡാം: സമൂഹ മാദ്ധ്യമത്തിലൂടെ വർഗീയ പരാമർശം നടത്തിയെന്നാരോപിച്ച് മമതാ ബാനർജി സർക്കാർ അറസ്റ്റ് ചെയ്ത ഇൻഫ്ലൂവൻസർ ശർമിഷ്ഠ പനോളിക്ക് പിന്തുണ പ്രഖ്യാപിച്ച് ഡച്ച് പാർലമെന്റ് അംഗവും പാർട്ടി ഫോർ ഫ്രീഡം നേതാവ് ഗീർത്ത് വിൽഡേഴ്‌സ്

‘‘ശർമിഷ്ഠ പനോളിയെ മോചിപ്പിക്കുക. അവരെ അറസ്റ്റ് ചെയ്തതിലൂടെ അഭിപ്രായ സ്വാതന്ത്ര്യത്തിന് മേൽ കളങ്കമുണ്ടായി. പാകിസ്ഥാനെയും മുഹമ്മദിനെയും കുറിച്ച് സത്യം പറഞ്ഞതിന് അവരെ ശിക്ഷിക്കരുത്, അവരെ സഹായിക്കൂ.’’– പ്രധാനമന്ത്രി നരേന്ദ്ര മോദിയെ ടാഗ് ചെയ്ത് ഗീർത്ത് വിൽഡേഴ്‌സ്
സമൂഹ മാദ്ധ്യമമായ എക്സിൽ കുറിച്ചു.

അതേസമയം കോടതിയിൽ ഹാജരാക്കിയ ശർമിഷ്ഠ പനോളിയെ 14 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടിരിക്കുകയാണ്. ഓപ്പറേഷൻ സിന്ദൂറിനെക്കുറിച്ച് ബോളിവുഡ് താരങ്ങൾ നിശബ്ദത പാലിക്കുന്നുവെന്നാരോപിച്ച് ശർമിഷ്ഠ ഇൻസ്റ്റഗ്രാമിൽ പോസ്റ്റ് ചെയ്ത വിഡിയോയാണ് വിവാദമായത്. ഒരു പ്രത്യേക മതവിഭാഗത്തെക്കുറിച്ചുള്ള വർഗീയ പരാമർശങ്ങളും വിഡിയോയിൽ അടങ്ങിയിരുന്നു. വിവാദമായതോടെ വിഡിയോ നീക്കം ചെയ്ത് ശർമിഷ്ഠ മാപ്പു പറഞ്ഞെങ്കിലും കൊൽക്കത്ത പോലീസ് കേസ് രജിസ്റ്റർ ചെയ്യുകയായിരുന്നു.