റെക്കോർഡ് വർദ്ധനവിൽ നിന്നും താഴോട്ട്; സംസ്ഥാനത്ത് സ്വർണ്ണവിലയിൽ ഇടിവ്; ഇന്നത്തെ നിരക്കുകളറിയാം

തിരുവനന്തപുരം: സംസ്ഥാനത്ത് സ്വർണ്ണവിലയിൽ ഇടിവ്. കഴിഞ്ഞ ദിവസങ്ങളിലെ റെക്കോർഡ് വർദ്ധനവിന് ശേഷമാണ് വിലയിടിവ് രേഖപ്പെടുത്തിയത്. പവന് ഇന്ന് 560 രൂപയാണ് കുറഞ്ഞത്. ഒരു പവന്‍ സ്വർണ്ണത്തിന്റെ വില 45,200 രൂപ. ഗ്രാമിന് 70 രൂപ കുറഞ്ഞ് 5650 ആയി. കഴിഞ്ഞ ദിവസം പവന് 45,760 രൂപയായി ഉയര്‍ന്നിരുന്നു. സര്‍വകാല റെക്കോര്‍ഡ് ആണിത്.

മെയ് മാസം ആദ്യ ദിനം മുതൽ സ്വർണവിലയിൽ വർദ്ധനവ് രേഖപ്പെടുത്തുന്നുണ്ട്. ഈ മാസം ഒന്നാം തിയതി 44,560 ആയിരുന്നു സ്വർണ്ണവില. രണ്ടാം തീയതിയും ഈ വില തുടർന്നെങ്കിലും പിന്നീടുള്ള ദിവസങ്ങളിൽ വിലയിൽ വലിയ വർദ്ധനവ് രേഖപ്പെടുത്തിയിരുന്നു.