മോഹൻലാലിന്റെ ദൃശ്യം 2 തിയറ്റർ റിലീസിന് : ആകാംക്ഷയോടെ ആരാധകർ

സിനിമ ലോകം വളരെ ആവേശത്തോടെ കാത്തിരുന്ന ചിത്രമാണ് ദൃശ്യം 2. മലയാളത്തിന്റെ താരരാജാവ് മോഹൻലാലിന്റെയും- ഹിറ്റ് സംവിധായകൻ ജിത്തു ജോസഫിന്റെയും കൂട്ടുകെട്ടിൽ പുറത്തിറങ്ങിയ ചിത്രത്തിനു മികച്ച അഭിപ്രായമാണ് ലഭിച്ചത്. സിനിമ മോഹികൾ ഓരോത്തരും ചിത്രം തിയേറ്റർ റിലീസിനായി ആഗ്രഹിച്ചെങ്കിലും, ചിത്രം ആമസോൺ പ്രൈമിലൂടെയാണ് പ്രേക്ഷകരിലേക്ക് എത്തിയത്. എങ്കിലും ദൃശ്യം ഒന്ന് പോലെ തന്നെ രണ്ടാം ഭാഗവും ലോകശ്രദ്ധ നേടിയിരുന്നു. തിയറ്റർ റിലീസ് ചെയ്യാതെ നേരിട്ട് ഒടിടി റിലീസായി എത്തിയത് ആരാധകർക്ക് വലിയ നിരാശയായിരുന്നു. ഇപ്പോൾ തിയറ്ററിൽ റിലീസ് ചെയ്യാൻ ഒരുങ്ങുകയാണ് ചിത്രം.

എന്നാൽ സിംഗപ്പൂർ മലയാളികൾക്കും അവിടെയുള്ള മലയാള സിനിമാ പ്രേമികൾക്കുമായാണ് ദൃശ്യം 2 തിയറ്ററിൽ എത്തുന്നത്. ജൂൺ 26നു സിംഗപ്പൂരിലെ മൾടിപ്ലക്സുകളിലാണ് ദൃശ്യം 2 റിലീസ് ചെയ്യുക. ആശീർവാദ് സിനിമാസിനൊപ്പം സിംഗപ്പൂര്‍ കൊളീസിയം കമ്പനിയും ചേർന്നാണ് ചിത്രം തിയറ്ററുകളിൽ റിലീസ് ചെയ്യുന്നത്. സിംഗപ്പൂരിലെ ഏറ്റവും വലിയ മള്‍ട്ടിപ്ലക്‌സ് ശൃംഖല ആയ ഗോൾഡൻ വില്ലേജ് സിനിപ്ലെക്സുകളിൽ ആണ് ദൃശ്യം 2 പ്രദർശിപ്പിക്കുന്നത്. ദൃശ്യം ഒന്നിന്റെയും, രണ്ടിന്റെയും വിജയത്തോടെ ചിത്രത്തിന്റെ മൂന്നാം ഭാ​ഗവും വൈകാതെ പുറത്തിറങ്ങുമെന്ന് സൂചനകളുണ്ട്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona