കൊച്ചി: മാസപ്പടി കേസിൽ എൻഫോഴ്സ്മെന്റ് ഡയറക്ടറേറ്റ് (ഇഡി) അന്വേഷണം നിർണായക ഘട്ടത്തിലേക്ക് . കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡ് (സിഎംആർഎൽ) എംഡി ശശിധരൻ കർത്തയുടെ മകൻ ശരൺ എസ്. കർത്തായെ ഇഡി ഇന്ന് ചോദ്യം ചെയ്യും. സിഎംആർഎല്ലും എക്സാലോജിക്കും തമ്മിൽ നടത്തിയ അനധികൃത സാമ്പത്തിക ഇടപാടുകളെക്കുറിച്ചുള്ള വ്യക്തമായ വിവരങ്ങൾ തേടിയാണ് ശരൺ എസ്. കർത്തയെ ഇഡി കൊച്ചി ഓഫീസിലേക്ക് വിളിച്ചുവരുത്തിയിരിക്കുന്നത്.
ഇതേ കേസുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ മകളും എക്സാലോജിക് കമ്പനി ഉടമയുമായ വീണാ വിജയനെ വരും ദിവസങ്ങളിൽ ചോദ്യം ചെയ്യും. നിലവിലെ ഷെഡ്യൂൾ പ്രകാരം ബുധനാഴ്ചയാണ് വീണ ഇഡിക്ക് മുന്നിൽ ഹാജരാകേണ്ടത്.
രേഖകൾ അഭിഭാഷകർ വഴി സമർപ്പിക്കാമെന്ന വീണയുടെ മുൻ നിർദേശം തള്ളിക്കൊണ്ടാണ് നേരിട്ട് ഹാജരാകാൻ ഇഡി വീണ്ടും സമൻസ് അയച്ചത്.
ആരോഗ്യപരമായ കാരണങ്ങളാൽ വീണ കൂടുതൽ സമയം ആവശ്യപ്പെട്ടതിനെത്തുടർന്നാണ് അഞ്ച് ദിവസത്തെ സാവകാശം അനുവദിച്ച് ചോദ്യം ചെയ്യൽ ബുധനാഴ്ചത്തേക്ക് നിശ്ചയിച്ചത്. കരിമണൽ കമ്പനിയിൽ നിന്ന് എന്ത് ആവശ്യത്തിനാണ് പണം കൈപ്പറ്റിയത് എന്ന് തെളിയിക്കുന്ന വ്യക്തമായ രേഖകളുമായി ഹാജരാകാനാണ് വീണയ്ക്ക് നൽകിയിരിക്കുന്ന കർശന നിർദേശം.
സിഎംആർഎൽ കമ്പനിയുമായി ബന്ധപ്പെട്ട് ഇല്ലാത്ത ചെലവുകൾ കാണിച്ച് 132 കോടിയിലധികം രൂപയുടെ സാമ്പത്തിക ക്രമക്കേടുകൾ നടന്നിട്ടുണ്ടെന്ന സീരിയസ് ഫ്രോഡ് ഇൻവെസ്റ്റിഗേഷൻ ഓഫീസിന്റെ (എസ്എഫ്ഐഒ) കണ്ടെത്തലിന്റെ പശ്ചാത്തലത്തിലാണ് ഇഡി കള്ളപ്പണ നിരോധന നിയമപ്രകാരം അന്വേഷണം ശക്തമാക്കിയത്.
2016 മുതൽ 2021 വരെയുള്ള കാലയളവിൽ സിഎംആർഎല്ലിൽ നിന്ന് 2.78 കോടി രൂപയും, എംപവർ ഇന്ത്യ ക്യാപിറ്റലിൽ നിന്ന് 50 ലക്ഷം രൂപ വായ്പയായും വീണ വിജയൻ കൈപ്പറ്റിയെന്നാണ് അന്വേഷണ സംഘത്തിന്റെ കണ്ടെത്തൽ. ഈ തുക കൈമാറ്റം ചെയ്യപ്പെട്ട ധനലക്ഷ്മി ബാങ്ക്, എച്ച്ഡിഎഫ്സി ബാങ്ക് എന്നിവയിലുള്ള വീണയുടെ മൂന്ന് അക്കൗണ്ടുകൾ ഉൾപ്പെടെ ആകെ 242 ബാങ്ക് അക്കൗണ്ടുകളിലായി കിടന്നിരുന്ന 18 കോടിയിലധികം രൂപ ഇഡി നേരത്തെ മരവിപ്പിച്ചിരുന്നു.
നേരത്തെ നടത്തിയ റെയ്ഡുകളിൽ വീണ നൽകിയ പ്രാഥമിക മൊഴികളും ഇഡിക്ക് ലഭിച്ച ഡിജിറ്റൽ തെളിവുകളും തമ്മിൽ വലിയ പൊരുത്തക്കേടുകൾ ഉണ്ടെന്നാണ് അന്വേഷണ സംഘം വ്യക്തമാക്കുന്നത്.
സിഎംആർഎല്ലും എക്സാലോജിക്കും തമ്മിലുള്ള മുഴുവൻ ഇടപാട് രേഖകളും ഹാജരാക്കാൻ കോടതിയും നേരത്തെ നിർദേശിച്ചിരുന്നു. ഈ സാഹചര്യത്തിൽ, ശരൺ എസ്. കർത്തായുടെ ഇന്നത്തെ ചോദ്യം ചെയ്യലിൽ നിന്ന് ലഭിക്കുന്ന നിർണായക വിവരങ്ങളുടെ അടിസ്ഥാനത്തിലായിരിക്കും ബുധനാഴ്ച വീണ വിജയനെ ഇഡി ചോദ്യം ചെയ്യുക. ഇതോടെ വരും ദിവസങ്ങളിൽ കേരള രാഷ്ട്രീയത്തിൽ മാസപ്പടി കേസ് വീണ്ടും കനത്ത രാഷ്ട്രീയ കൊടുങ്കാറ്റായി മാറുമെന്നുറപ്പാണ്.
അടുക്കളയിലെ പാറ്റകളുടെ ശല്യം ഏതൊരു വീട്ടമ്മയ്ക്കും വലിയൊരു തലവേദന തന്നെയാണ്. ശുചിത്വമില്ലായ്മ കൊണ്ടോ ഈര്‍പ്പം കൊണ്ടോ എളുപ്പത്തില്‍ കടന്നുകൂടുന്ന ഈ…
ദില്ലി : മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ദില്ലി ജന്തര്‍ മന്തറില്‍ നടക്കുന്ന പ്രതിഷേധത്തില്‍ പങ്കെടുക്കാനെത്തിയ…
ദില്ലി : മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് 'കോക്രോച്ച് ജനത പാര്‍ട്ടി' (സിജെപി) ദില്ലിയില്‍ നടത്തുന്ന…
തിരുവനന്തപുരം : മാസപ്പടി-ഹവാല ആരോപണങ്ങളില്‍ മുന്‍ മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയനെ ഒന്നാം പ്രതിയാക്കി വിജിലന്‍സ് കേസെടുക്കുന്നു.…
കോഴിക്കോട് : കേരളത്തിലെ ജനപ്രതിനിധികളുടെ വിദേശയാത്രകള്‍ എപ്പോഴും രാഷ്ട്രീയ ചര്‍ച്ചകളില്‍ ഇടംനേടാറുണ്ട്. ഇതിന്റെ ഏറ്റവും പുതിയ തെളിവാണ് പൊതുഭരണ വകുപ്പ്…
ദില്ലി : വോട്ട് ചോരി ആരോപണത്തെ രാഷ്ട്രപതി അനുകൂലിച്ചെന്ന ലോക്സഭാ പ്രതിപക്ഷ നേതാവ് രാഹുല്‍ ഗാന്ധിയുടെ പരാമര്‍ശം തള്ളി കേന്ദ്ര…