കോഴിക്കോടും മലപ്പുറത്തും കള്ള നോട്ട് വേട്ട !! വിദ്യാർത്ഥികൾ ഉൾപ്പെടെ 5 പേർ പിടിയിൽ ; പ്രിന്ററും അടക്കമുള്ള ഉപകരണങ്ങൾ പിടിച്ചെടുത്തു

കോഴിക്കോട്, മലപ്പുറം ജില്ലകളിൽ കള്ള നോട്ട് വേട്ടയിൽ വിദ്യാർത്ഥികൾ ഉൾപ്പെടെ 5 പേർ പിടിയിൽ. ഇവരിൽ നിന്ന് 500 രൂപയുടെ 57 നോട്ടുകളും നോട്ട് അടിച്ചുവച്ച 30 പേപ്പര്‍ ഷീറ്റുകളും പ്രിന്ററും പോലീസ് പിടിച്ചെടുത്തു.രാമനാട്ടുകര, കൊണ്ടോട്ടി, അരീക്കോട്, മുക്കം എന്നിവിടങ്ങളില്‍ പ്രതികളുടെ വീടുകളില്‍ നടത്തിയ പരിശോധനയിലാണ് നോട്ടുകള്‍ കണ്ടെടുത്തത്.

സംഭവുമായി ബന്ധപ്പെട്ട് രാമനാട്ടുകര സ്വദേശി ദിജിന്‍, കൊണ്ടോട്ടി സ്വദേശി അതുല്‍ കൃഷ്ണ, അരീക്കോട്സ്വദേശികളായ അംജത്ഷാ, അഫ്‌നാന്‍, മുക്കം സ്വദേശി സാരംഗ് എന്നിവരെ അറസ്റ്റ്‌ചെയ്തു.പിടിയിലായ അംജതും അഫ്‌നാനും ബിരുദ വിദ്യാർത്ഥികളാണ് . രാമനാട്ടുകര സ്വദേശി ദിജിന്റെ വീട്ടില്‍ നിന്നാണ് ആദ്യം 500 രൂപയുടെ 35 നോട്ടുകള്‍ കണ്ടെടുത്തത്. ഫറോക്ക് പോലീസാണ് കള്ളനോട്ട് പിടികൂടിപ്രതികളെ അറസ്റ്റ് ചെയ്തത്.