International

ഗാസയെ വിഭജിക്കാൻ അമേരിക്കൻ നീക്കം; ‘ഗ്രീൻ സോൺ’, ‘റെഡ് സോൺ’ പദ്ധതി യുഎൻ രക്ഷാസമിതിയിൽ

വാഷിംഗ്ടൺ ഡിസി: അമേരിക്കൻ പ്രസിഡന്റ് ഡൊണാൾഡ് ട്രമ്പിന്റെ ഗാസ സമാധാന പദ്ധതിക്ക് യുഎൻ രക്ഷാസമിതിയുടെ അംഗീകാരം തേടുന്ന പ്രമേയം തിങ്കളാഴ്ച (നവംബർ 17) വോട്ടിനിടാനിരിക്കെ, ഗാസ മുനമ്പിനെ രണ്ടായി വിഭജിക്കാൻ യുഎസ് സൈന്യം പദ്ധതിയിടുന്നതായി റിപ്പോർട്ട്. യുഎസ് സൈനിക ആസൂത്രണ രേഖകളെ ഉദ്ധരിച്ച് ഗാർഡിയൻ റിപ്പോർട്ട് ചെയ്യുന്നതനുസരിച്ച്, പുനർനിർമ്മാണ പ്രവർത്തനങ്ങൾക്കായി ഇസ്രായേലിന്റെയും അന്താരാഷ്ട്ര സേനയുടെയും നിയന്ത്രണത്തിലുള്ള ‘ഗ്രീൻ സോൺ’ എന്നും, പൂർണ്ണമായും തകർന്ന് കിടക്കുന്ന ‘റെഡ് സോൺ’ എന്നും ഗാസയെ വേർതിരിക്കും.

കിഴക്കൻ ഗാസയിൽ ഇസ്രായേൽ സൈനികർക്കൊപ്പം അന്താരാഷ്ട്ര സേനയെ ആദ്യ ഘട്ടത്തിൽ വിന്യസിക്കാനാണ് നീക്കം. നിലവിലെ ഇസ്രായേൽ നിയന്ത്രിത ‘മഞ്ഞ രേഖ’ (yellow line) ഉപയോഗിച്ച് യുദ്ധം തകർത്ത ഈ പ്രദേശം വിഭജിക്കുമെന്നും റിപ്പോർട്ടിൽ പറയുന്നു.

ഗാസയിൽ ‘ഗ്രീൻ സോൺ’ സ്ഥാപിക്കാനുള്ള നീക്കം, യുഎസ് സൈനിക പരാജയങ്ങൾ നേരിട്ട അഫ്ഗാനിസ്ഥാൻ, ഇറാഖ് എന്നിവിടങ്ങളിലെ സമാനമായ മാതൃകകളുമായി താരതമ്യം ചെയ്യപ്പെടാൻ സാധ്യതയുണ്ട്. ട്രമ്പിന്റെ 20 ഇന പദ്ധതിയുടെ പ്രധാന ലക്ഷ്യം പലസ്തീൻ സായുധ ഗ്രൂപ്പുകളെ നിരായുധീകരിക്കുന്നതിനും, ഇസ്രായേലിനെ പ്രദേശത്തിന് പുറത്തുള്ള ഒരു ‘സുരക്ഷാ ചുറ്റളവി’ലേക്ക് പിൻവലിക്കുന്നതിനും വേണ്ടിയാണ്. അതിനിടെ, ഗാസയിലെ 80 ശതമാനത്തിലധികം കെട്ടിടങ്ങളും സ്കൂളുകളും ആശുപത്രികളും ഉൾപ്പെടെ തകർന്നിരിക്കുകയാണ്.

ട്രമ്പിന്റെ 20 ഇന പദ്ധതി അനുസരിച്ച്, ഗാസയുടെ ഭരണം നിർവഹിക്കാൻ *ബോർഡ് ഓഫ് പീസ്’ എന്നൊരു ഇടക്കാല ഭരണസമിതി രൂപീകരിക്കും. താൽക്കാലിക അന്താരാഷ്ട്ര സ്ഥിരതാ സേന (ISF) രൂപീകരിക്കാൻ പ്രമേയം അംഗരാജ്യങ്ങൾക്ക് അധികാരം നൽകും. ഇസ്രായേൽ, ഈജിപ്ത്, പുതിയ പലസ്തീൻ പോലീസ് എന്നിവരുമായി സഹകരിച്ച് പ്രവർത്തിക്കുന്ന ISF, ഗാസയുടെ അതിർത്തികൾ സുരക്ഷിതമാക്കുക, നിരായുധീകരണ ശ്രമങ്ങൾ നിരീക്ഷിക്കുക, സായുധ ഗ്രൂപ്പുകളിൽ നിന്നുള്ള ആയുധങ്ങൾ ശാശ്വതമായി ഉപയോഗശൂന്യമാക്കാൻ സഹായിക്കുക എന്നിവ ലക്ഷ്യമിടുന്നു. ISF മാനുഷിക സഹായത്തിനും സാധാരണക്കാരുടെ സംരക്ഷണത്തിനും പിന്തുണ നൽകും. യുഎൻ രക്ഷാസമിതി പ്രമേയം പാസാക്കിയാൽ മാത്രമേ രാജ്യങ്ങൾ സൈനിക സഹായമുൾപ്പെടെയുള്ള കാര്യങ്ങളിൽ വ്യക്തമായ ഉറപ്പ് നൽകുകയുള്ളൂവെന്നും യുഎസ് ഉദ്യോഗസ്ഥൻ സൂചിപ്പിച്ചു. ഇസ്രായേലി സേനയെ പിൻവലിക്കുന്നതിനും പുനർനിർമ്മാണം ആരംഭിക്കുന്നതിനും അമേരിക്കൻ സൈനികരെ ഗാസയിലെ മണ്ണിൽ വിന്യസിക്കില്ലെന്ന് ട്രമ്പ് നേരത്തെ വ്യക്തമാക്കിയിരുന്നു.

B4 Admin

Recent Posts

ചക്കുളത്തുകാവ് പൊങ്കാല മഹോത്സവത്തിന് വിപുലമായ സുരക്ഷാ ഒരുക്കങ്ങൾ: ഭക്തജനങ്ങൾക്ക് പൂർണ്ണ സുരക്ഷയും സൗകര്യങ്ങളും ഉറപ്പാക്കാൻ കളക്ടറേറ്റിൽ ഉന്നതതല അവലോകനയോഗം!

വിശ്വപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ പൊങ്കാല മഹോത്സവത്തിന് എത്തുന്ന ലക്ഷക്കണക്കിന് വിശ്വാസികൾക്ക് യാതൊരുവിധ ബുദ്ധിമുട്ടുകളും കൂടാതെ ദർശനവും പൊങ്കാല സമർപ്പണവും…

3 hours ago

ആഗോള രാഷ്ട്രീയ വേദികളിൽ ഭാരതത്തിന്റെ മാതൃകാപരമായ കരുത്ത് അംഗീകരിക്കപ്പെടുന്നു: ക്വാഡ് ഉച്ചകോടിയിൽ പ്രധാനമന്ത്രി നരേന്ദ്ര മോദിയെ പ്രശംസിച്ച് ഡൊണാൾഡ് ട്രംപ്!

ഫിലിപ്പീൻസിലെ മനിലയിൽ നടന്ന നിർണ്ണായകമായ ക്വാഡ് ഉച്ചകോടിക്കിടെ ഭാരതത്തിന്റെ പ്രധാനമന്ത്രി നരേന്ദ്ര മോദിയെ അതിശക്തനായ ഭരണാധികാരിയെന്ന് വിശേഷിപ്പിച്ച് ഡൊണാൾഡ് ട്രംപ്…

4 hours ago

അയ്യപ്പസന്നിധിയിൽ ഇനി തനത് കേരളീയ സദ്യ: പുലാവും ഉപ്പുമാവും മാറ്റി സമ്പൂർണ്ണ സദ്യ വിളമ്പി തിരുവിതാംകൂർ ദേവസ്വം ബോർഡ്!

മണ്ഡലകാല തീർത്ഥാടനത്തിന് ഭക്തിസാന്ദ്രമായ തുടക്കമായതോടെ, ശബരിമല സന്നിധാനത്തെ അന്നദാന മണ്ഡപത്തിൽ എത്തുന്ന അയ്യപ്പഭക്തർക്കായി തനത് കേരളീയ സദ്യ വിളമ്പുന്ന പുതിയ…

5 hours ago

ബംഗ്ലാദേശ് രാഷ്ട്രീയ സംഘർഷം ലണ്ടൻ തെരുവുകളിലേക്ക്: അവാമി ലീഗ് പ്രതിഷേധത്തെ തുടർന്ന് എൻസിപി നേതാവ് നഹിദ് ഇസ്ലാം പിൻവാതിലിലൂടെ രക്ഷപ്പെട്ടു!

ബംഗ്ലാദേശിലെ കലുഷിതമായ രാഷ്ട്രീയ അന്തരീക്ഷം രാജ്യത്തിന്റെ അതിരുകൾക്കും അപ്പുറത്തേക്ക് പടരുന്നതിന്റെ ഞെട്ടിക്കുന്ന കാഴ്ചകളാണ് ലണ്ടനിൽ നിന്ന് പുറത്തുവരുന്നത്. നാഷണൽ സിറ്റിസൺ…

8 hours ago

കളിക്കളത്തിൽ നിന്ന് ടീം മാനേജ്‌മെന്റിലേക്ക്: ചെന്നൈ സൂപ്പർ കിങ്‌സിൽ പുതിയ ദൗത്യവുമായി എം.എസ് ധോണി

ഐപിഎല്ലിലെ ചെന്നൈ സൂപ്പർ കിങ്‌സിന്റെ ചരിത്രത്തിൽ നിർണായക അധ്യായങ്ങൾ എഴുതിച്ചേർത്ത എം.എസ്. ധോണി ഇനി പുതിയ റോളിലേക്ക്. താരമെന്ന നിലയിൽ…

8 hours ago

ശബരിമല തീർത്ഥാടകരുടെ അധിക യാത്രാനിരക്ക് കുറയ്ക്കണം സൗജന്യ ബസ് സർവീസിന് സംഘടനകളെ അനുവദിക്കണം: ബിജെപി

തിരുവനന്തപുരം : ശബരിമല മണ്ഡല മകരവിളക്ക് തീർത്ഥാടനത്തോടനുബന്ധിച്ച് നിലയ്ക്കൽ–പമ്പ റൂട്ടിൽ കെ.എസ്.ആർ.ടി.സി. ഈടാക്കുന്ന അധിക യാത്രാനിരക്ക് കുറയ്ക്കണമെന്ന് ബിജെപി സംസ്ഥാന…

8 hours ago