ദില്ലി: രാജ്യത്ത് ആറ് വർഷത്തിലധികം തടവ് ശിക്ഷ ലഭിക്കാവുന്ന കേസുകളിൽ ഫോറൻസിക് പരിശോധന നിർബന്ധമാക്കി ദില്ലിപോലീസ്. കേന്ദ്ര ആഭ്യന്തര മന്ത്രി അമിത് ഷായുടെ ഉത്തരവിനെ തുടർന്നാണ് തീരുമാനം. ഇതോടെ ഗുരുതരമായ എല്ലാ കേസുകളിലും ഫോറൻസിക് അന്വേഷണം നിർബന്ധമാക്കിയ ആദ്യത്തെ സംസ്ഥാനമായി ദില്ലി മാറിയെന്ന് കേന്ദ്ര ആഭ്യന്തര മന്ത്രാലയത്തിലെ ഉദ്യോഗസ്ഥർ അറിയിച്ചു .
അമിത് നിർദ്ദേശങ്ങളുടെ അടിസ്ഥാനത്തിൽ ശിക്ഷാ നിരക്ക് വർദ്ധിപ്പിക്കുന്നതിനാണ് ഇത്തരം കുറ്റകൃത്യങ്ങൾക്ക് ഫോറൻസിക് അന്വേഷണം നിർബന്ധമാക്കാൻ തീരുമാനിച്ചിരിക്കുന്നത്. ദില്ലി പോലീസ് ക്രിമിനൽ നീതിന്യായ വ്യവസ്ഥയെ (ഐസിജെഎസ്) ഫോറൻസിക് സയൻസ് അന്വേഷണവുമായി സംയോജിപ്പിച്ചിട്ടുണ്ട്. കൂടാതെ കുറ്റാരോപിതർക്കെതിരെ ശക്തമായ നടപടിയെടുക്കുന്നതിനായി അന്വേഷണ ഉദ്യോഗസ്ഥരെ പരിശീലിപ്പിക്കുന്നതിന്റെ ഭാഗമായി ഗാന്ധിനഗർ നാഷണൽ ഫോറൻസിക് സയൻസ് യൂണിവേഴ്സിറ്റിയുമായി സഹകരിച്ച് പ്രവർത്തിച്ചുവരികയാണെന്ന് ഡൽഹി പോലീസ് വക്താവ് വ്യക്തമാക്കി. ഇന്ത്യയിലെ ഓരോ ജില്ലയിലും ദില്ലി പോലീസിന് സ്വന്തമായി മൊബൈൽ ക്രൈം ടീം വാൻ ഉണ്ടെന്ന് പോലീസ് കമ്മീഷണർ സഞ്ജയ് അറോറ പറഞ്ഞു. ഇത് കൂടാതെ ശാസ്ത്രീയമായി ഫോറൻസിക് സഹായം നൽകുന്നതിന് ഓരോ ജില്ലയ്‌ക്കും ഒരു ഫോറൻസിക് മൊബൈൽ വാൻ അനുവദിക്കും . ഈ വാഹനങ്ങൾ പൂർണമായും ശാസ്ത്രീയ ഉപകരണങ്ങൾ കൊണ്ട് സജ്ജീകരിച്ചിരിക്കണമെന്നും മതിയായ ഫോറൻസിക് അസിസ്റ്റന്റുമാരുടെ സേവനം ഇതിൽ ഉറപ്പാക്കണമെന്നും ഉത്തരവിലുണ്ട്.
ഈ ഫോറൻസിക് മൊബൈൽ വാനുകൾ പോലീസിന്റെ നിയന്ത്രണത്തിലായിരിക്കില്ല, മറിച്ച് കോടതിയുടെ ഉത്തരവാദിത്വത്തിലുള്ള ഒരു സ്വതന്ത്ര സ്ഥാപനമായി പ്രവർത്തിക്കും. പോലീസ് സ്റ്റേഷനുകളിലെ എസ്എച്ച്ഒമാർക്കോ അന്വേഷണ ഉദ്യോഗസ്ഥർക്കോ ഡൽഹി പോലീസിന്റെ മറ്റേതെങ്കിലും അന്വേഷണ ഏജൻസിക്കോ സഹായത്തിനായി ഇവർ കുറ്റകൃത്യം നടന്ന സ്ഥലത്ത് എത്തണമെന്നും നിർദ്ദേശമുണ്ട്.
ഗുരുതരമായ എല്ലാ കുറ്റകൃത്യങ്ങളിലും ഫോറൻസിക് അന്വേഷണം നിർബന്ധമാക്കുന്നതിലൂടെ, ശിക്ഷാ നിരക്ക് വർദ്ധിക്കുകയും നിയമലംഘനത്തിനുളള സാദ്ധ്യത കുറയുകയും ചെയ്യും. ഇത് അന്വേഷണ ഉദ്യോഗസ്ഥരിലും പ്രോസിക്യൂട്ടർമാരിലും കൂടുതൽ പ്രൊഫഷണൽ സമീപനം കൊണ്ടുവരുമെന്നും പോലീസ് ഉദ്യോഗസ്ഥൻ വ്യക്തമാക്കി.
സിനിമ വിനോദത്തിനപ്പുറം സാമൂഹിക യാഥാർഥ്യങ്ങളിലേക്കും അവഗണിക്കപ്പെടുന്ന മനുഷ്യരുടെ ജീവിതാനുഭവങ്ങളിലേക്കും കടന്നുചെല്ലുമ്പോൾ അതിന്റെ ആവിഷ്കാരത്തിന് പുതിയ മാനങ്ങൾ കൈവരുന്നു. അത്തരമൊരു ശ്രമവുമായി…
ഭാരതത്തിന്റെ ജനാധിപത്യ സംവിധാനങ്ങളും തിരഞ്ഞെടുപ്പ് പ്രക്രിയയുടെ വിശ്വാസ്യതയും വീണ്ടും രാഷ്ട്രീയ ചർച്ചകളുടെ കേന്ദ്രത്തിലെത്തിയിരിക്കുകയാണ്. ചീഫ് ഇലക്ഷൻ കമ്മീഷണർ ഗ്യാനേഷ് കുമാറിനെതിരായ…
തിരുവനന്തപുരം : ശബരിമല ദര്‍ശനത്തിനുള്ള വെര്‍ച്വല്‍ ക്യൂ ബുക്കിങ് നിരക്ക് വര്‍ധിപ്പിക്കാനുള്ള തിരുവിതാംകൂര്‍ ദേവസ്വം ബോര്‍ഡിന്റെ നീക്കത്തിനെതിരെ ശക്തമായ പ്രതിഷേധവുമായി…
തിരുവനന്തപുരം : മാസപ്പടി കേസില്‍ പിണറായി വിജയന്റെ വാദങ്ങളെ പിന്തുണയ്ക്കുന്ന നിലപാട് സംസ്ഥാന സര്‍ക്കാര്‍ ഹൈക്കോടതിയില്‍ സ്വീകരിച്ചത് എല്‍.ഡി.എഫ് -…
ദുബൈ: ഇന്ത്യയില്‍ നിന്ന് സൗദി അറേബ്യയിലേക്കുള്ള വിമാന സര്‍വീസുകള്‍ തടസ്സപ്പെട്ട സാഹചര്യത്തില്‍, ഉംറ തീര്‍ത്ഥാടകര്‍ ഉള്‍പ്പെടെയുള്ള ഇന്ത്യന്‍ പൗരന്മാരുടെ സഹായത്തിനായി…
തിരുവനന്തപുരം : രമ്യാ ഹരിദാസ് എം.എല്‍.എയുടെ പേഴ്‌സണല്‍ സ്റ്റാഫില്‍ കൂട്ടരാജി. പേഴ്‌സണല്‍ അസിസ്റ്റന്റിന് (പി.എ) പിന്നാലെ ഡ്രൈവര്‍ കുഞ്ഞുമുഹമ്മദും രാജിക്കത്ത്…