കശ്മീരിൽ ഭീകരരെ വേരോടെ പിഴുതെറിയാൻ സൈന്യം; പാക് ഭീകരനെയുൾപ്പെടെ നാലു ജയ്ഷെ മുഹമ്മദ് ഭീകരരെ വധിച്ചു

ശ്രീനഗർ: കശ്മീരിൽ ഭീകരരെ വേരോടെ പിഴുതെറിയാൻ സൈന്യം(Four Terrorist Killed In Kashmir). സുരക്ഷാസേനയുമായുള്ള ഏറ്റുമുട്ടലിൽ നാലു ഭീകരർ കൊല്ലപ്പെട്ടു. അഞ്ചിടങ്ങളിലായി നടന്ന ഏറ്റുമുട്ടലുകളിലാണ് ജയ്ഷെ മുഹമ്മദ് ഭീകരർ കൊല്ലപ്പെട്ടത്. കൊല്ലപ്പെട്ടവരിൽ ഒരാൾ പാക് ഭീകരനാണ്.

അതേസമയം പുൽവാമയിൽ രണ്ടും ഗന്ദർബാലിലും ഹന്ദ്വാരയിലും ഒരോ ഭീകരരെയുമാണ് വധിച്ചത്. ഒരു ഭീകരനെ പിടികൂടിയെന്നും ജമ്മു കശ്മീർ പോലീസ് അറിയിച്ചു. എന്നാൽ രാജ്യത്ത് ഭീകരാക്രമണം നടത്താൻ പദ്ധതിയിട്ട ഒരു ഭീകരനെ ഇന്ന് പുലർച്ചെയോടെ സൈന്യം വധിച്ചിരുന്നു.

ഇതിനുപിന്നാലെ സൈന്യം നടത്തിയ ഊർജ്ജിതമായ തിരച്ചിലിലാണ് കൂടുതൽ ഭീകരരെ കണ്ടെത്തിയത്. ഭീകരർ ഉണ്ടെന്ന രഹസ്യ വിവരം ലഭിച്ചതിന്റെ അടിസ്ഥാനത്തിലാണ് പ്രദേശത്ത് തിരച്ചിൽ ആരംഭിച്ചത്. കശ്മീർ പോലീസും സുരക്ഷാ സേനയും സംയുക്തമായാണ് ഓപ്പറേഷൻ നടത്തുന്നത്.